T20 વર્લ્ડ કપ 2022 માટે ઓસ્ટ્રેલિયામાં પ્રેક્ટિસ કરી રહેલ વિરાટ કોહલી તેના ફેન્સથી પરેશાન થઈ ગયા હતા.
વિરાટ કોહલી તેના ફેન્સથી પરેશાન થઈ ગયા
ફેન્સની વાતોથી કોહલી થયો ગુસ્સે
કિંગ તો એક જ છે ને, એટલે બોલશું
ફિલ્મ જગત હોય કે રમત જગત ચાહકો હંમેશા તેમના પસંદિતા સ્ટાર્સના દિવાના હોય છે. ભારતીય ક્રિકેટ ટીમના પૂર્વ કેપ્ટન વિરાટ કોહલી સાથે પણ આવું જ થાય છે, જ્યાં પણ કોહલી દેખાય ત્યાં તેના ચાહકો તેને ઘેરી લે છેઆ એન ફોટા, સેલ્ફી અને વિડિયો બનાવવાનું ચાલુ કરે છે પણ આ વખતે તો હદ થઈ ગઈ છે. T20 વર્લ્ડ કપ 2022 માટે ઓસ્ટ્રેલિયામાં પ્રેક્ટિસ કરી રહેલ વિરાટ કોહલી તેના ફેન્સથી પરેશાન થઈ ગયા હતા. નેટ પ્રેક્ટિસ દરમિયાન કોહલીના ફેન્સ પહોંચી ગયા અને રાડો પાડીને તેને બોલાવવા લાગ્યા હતા. તેના ફેન્સના આવા વર્તનને કારણે કોહલી ગુસ્સે થઈ ગયો હતો.
ફેન્સની વાતોથી કોહલી થયો ગુસ્સે
જો કે આ વખતે વિરાટ કોહલી ગુસ્સે ન થયા અને તેને તેના ફેન્સને અવાજ ન કરવા કહ્યું અને સાથે એમ પણ કહ્યું કે તેમના અવાજને કારણે તેમને ધ્યાન એકત્રિત કરવામાં મુશ્કેલી પડી રહી છે. આના પર ચાહકો પણ સહમત થયા હતા. આ આખી વાત કેમેરામાં કેદ થઈ ગઈ હતી અને આ વિડીયો હાલ સોશ્યલ મીડિયા પર ખૂબ જ વાયરલ થઈ રહ્યો છે.
કિંગ તો એક જ છે ને, એટલે બોલશું
વીડિયોમાં જોઈ શકાય છે કે કોહલી નેટ્સમાં બેટિંગ પ્રેક્ટિસ કરી રહ્યો છે. ચાહકો પાછળ ઉભા છે અને તેમાંથી કેટલાકે કોહલીનો વીડિયો બનાવી રહ્યા હતા. પ્રેક્ટિસ દરમિયાન કોહલીએ જ્યારે શોટ માર્યો ત્યારે ચાહકોએ કહ્યું કે આ બોલ તો સ્ટેડિયમની બહાર. આ સાંભળીને કોહલીએ પાછળ ફરીને કહ્યું, 'યાર પ્રેક્ટિસ દરમિયાન ન બોલો. ધ્યાન કેન્દ્રિત ન થાય.'
કોહલીની આ વાત સાંભળીને ફેન્સ બોલ્યા હતા કે, 'ઓકે ભાઈ, તમે જ્યારે રિલેક્સ મોડમાં હશો ત્યારે બોલશું. કિંગ માટે તો બોલવાના જ હોઈએ ને, કિંગ તો એક જ છે ને ભાઈ.'