ક્રિકેટ / VIDEO: કૉમેન્ટેટર બોલ્યો હાર્દિક પંડ્યા છે કેપ્ટન્સી માટે પહેલી પસંદ, રોહિતે કહ્યું, 'હું જઉં છું ભાઈ...'

• રોહિત શર્માનો વિડીયો સોશ્યલ મીડિયા પર વાયરલ
• ટીમની કેપ્ટનશિપ માટે ઘણા લોકો માટે પહેલી પસંદ હાર્દિક પંડયા
• રોહિત શર્મા સાંભળતા જ બોલ્યા  'હું જાઉં છું ભાઈ'

ટીમ ઈન્ડિયાના કેપ્ટન રોહિત શર્માને મેદાનની અંદર અને બહાર તેના ફની અંદાજ માટે પણ ઓળખવમાં આવે છે. રોહિત શર્માનો જવાબ આપવાનો ફની અંદાજ તેના ફેન્સને ઘણો પસંદ આવે છે. દુબઈમાં હોંગકોંગ સામેની ભારતની અંતિમ એશિયા કપની ગ્રુપ મેચની શરૂઆત પહેલા રોહિત શર્માના આવા જ મજાકીયા અંદાજે જતીન સપ્રુ, ઈરફાન પઠાણ અને સંજય બાંગરને હસાવી દીધા હતા. હાલ એ વિડીયો સોશ્યલ મીડિયા પર વાયરલ થઈ રહ્યો છે. 

સ્ટાર સ્પોર્ટ્સ પર પ્રી-મેચ શો દરમિયાન જતીન સપ્રુ, ઈરફાન પઠાણ અને સંજય બાંગર ભારતની સંભવિત પ્લેઈંગ ઈલેવન વિશે ચર્ચા કરી રહ્યા હતા. આ સિવાય જતીન સપ્રુ ફેન્ટસી ગેમિંગમાં રસ ધરાવતા લોકોને ટિપ્સ પણ આપી રહ્યા હતા. સાથે જ સપ્રુ ભારતની પ્લેઈંગ ઈલેવનમાં હાર્દિક પંડ્યાના મહત્વ વિશે પણ વાત કરી રહ્યા હતા અને એમને કહ્યું હતું કે ટીમની કેપ્ટનશિપ માટે ઘણા લોકો માટે પહેલી પસંદ હાર્દિક પંડયા છે.'  

એ સમયે કેમેરો સંયોગથી રોહિત શર્મા પર ગ્યાઓ જે ઈરફાન પઠાણ સાથે વાત કરી રહ્યા હતા. જતિન સપ્રુએ રોહિત શર્મા તરફ જોયું અને તેનો ઉલ્લેખ કરતા કહ્યું, 'કેપ્ટન તો એક જ છે.' રોહિત શર્માએ આ સાંભળ્યું અને મસ્તીભરી રીતે કહ્યું, 'હું જાઉં છું ભાઈ.' હાલ એમનો મસ્તીભર્યો વિડીયો સોશ્યલ મીડિયા પર વાયરલ થઈ રહ્યો છે.' 

રોહિત શર્માના આવા રીએક્શન પછી ઈરફાન પઠાણ અને સંજય બાંગર હસી પડ્યા હતા. એ પછી ઈરફાને રોહિતના વખાણ કરતા કહ્યું, 'તે બિલકુલ બદલાયો નથી. તે 2007માં જેવો હતો તેવો આજે પણ છે. તે ખૂબ જ શાંત અને મસ્તમૌલા.

"Mai ja rha hu bhai "😹😹

Rohit sharma on star sports show
With @IrfanPathan nd @jatinsapru #rohitsharma #asiacup #indvhk #indvpak #india #rohit #starsports #cricket pic.twitter.com/aFXCYMnp2H

— cric.24X7 (@24x7Cric) August 31, 2022

વિરાટ કોહલી અને સૂર્યકુમાર યાદવની શાનદાર અડધી સદીની મદદથી ભારતે હોંગકોંગને 40 રનથી હરાવીને સુપર 4માં સ્થાન બનાવ્યું છે. સૂર્યકુમાર યાદવે 26 બોલમાં 68 રનની ઇનિંગ રમી હતી જેના માટે તેને મેન ઓફ ધ મેચ પણ બનાવવામાં આવ્યો હતો. હવે પાકિસ્તાન અને હોંગકોંગમાં જે ટીમ જીતશે તે સુપર 4 માટે ક્વોલિફાય થશે.