ક્રિકેટ / માર્ચમાં આ ચેનલ પર જોઈ શકશો મહિલા IPLની મેચો, 951 કરોડમાં મોટી કંપનીએ ખરીદ્યાં રાઈટ્સ

• માર્ચમાં યોજાઈ શકે મહિલા આઈપીએલ 2023
• વાયકોમ 18એ ખરીદ્યાં મહિલા આઈપીએલના મીડિયા રાઈટ્સ
• મીડિય રાઈટ્સ માટે લગાવી 951 કરોડની બોલી 

માર્ચ 2023થી મહિલા આઈપીએલની શરુ થવાની ધારણા છે જોકે તે પહેલા કઈ ચેનલ પર આઈપીએલની મહિલા મેચ જોઈ શકાશે તેને લઈને સમાચાર આવ્યાં છે. રિલાયન્સની માલિકીવાળી viacom18 કંપનીએ મહિલા આઈપીએલના પ્રસારણના હક મેળવી લીધા છે.  viacom18એ 951 કરોડમાં મહિલા આઈપીએલના હક ખરીદ્યાં છે. મહિલા આઈપીએલ માર્ચ 2023માં શરુ થવાની ધારણા છે. મહિલા આઈપીએલના પ્રસારણ હકો માટે આજે હરાજી થઈ હતી જેમાં વાયકોમ ઉપરાંત ઝી, સોની અને ડિઝનીના સ્ટાર્સ જેવી કંપનીઓએ બોલી લગાવી હતી પરંતુ સૌથી વધારે 951 કરોડની બોલી વાયકોમે લગાવી હતી જે પછી તેને હાઈએસ્ટ બીડર જાહેર કરીને 2023ની મહિલા આઈપીએલના હક ફાળવી દેવાયા હતા. 

After pay equity, today's bidding for media rights for Women's IPL marks another historic mandate. It's a big and decisive step for empowerment of women's cricket in India, which will ensure participation of women from all ages. A new dawn indeed! #WIPL @ICC @BCCIWomen

— Jay Shah (@JayShah) January 16, 2023

Congratulations @viacom18 for winning the Women’s @IPL media rights. Thank you for your faith in @BCCI and @BCCIWomen. Viacom has committed INR 951 crores which means per match value of INR 7.09 crores for next 5 years (2023-27). This is massive for Women’s Cricket 🙏🇮🇳

— Jay Shah (@JayShah) January 16, 2023

વાયકોમે પાંચ વર્ષ માટે 951 કરોડ કરોડમાં ખરીદ્યા રાઈટ્સ 
બીસીસીઆઈના સચિવ જય શાહે ટ્વિટ કરીને માહિતી આપી હતી. જય શાહે ટ્વિટ દ્વારા viacom18ને અભિનંદન પાઠવ્યા હતા. તેમણે કહ્યું કે viacom18ને 2023થી 2027 સુધી મહિલા આઈપીએલના મીડિયા રાઈટ્સ સોંપવામાં આવ્યાં છે. જય શાહે ટ્વિટ કરીને લખ્યું, વાયાકોમ 18ને મહિલા આઈપીએલ મીડિયા રાઈડ્સ જીતવા બદલ અભિનંદન. વાયકોમે પાંચ વર્ષ માટે મીડિયા રાઇટ્સ હેઠળ 951 કરોડ રૂપિયાના કરાર પર હસ્તાક્ષર કર્યા છે. મેન્સ આઇપીએલ 2023-27ના મીડિયા રાઈટ્સ કુલ રુપિયા 48,390 કરોડમાં વેચાયા હતા.

માર્ચ 2023થી શરુ થશે આઈપીએલ 
હવે ટૂંક સમયમાં જ મહિલા આઈપીએલ 2023 સીઝન માટે પણ ખેલાડીઓની હરાજી કરવામાં આવશે. તેની તારીખ હજુ નક્કી કરવામાં આવી નથી. મહિલા આઇપીએલની આગામી સિઝનનો કાર્યક્રમ પણ જાહેર કરવામાં આવ્યો નથી, પરંતુ આશા રાખવામાં આવી રહી છે કે આ ટૂર્નામેન્ટ આ વર્ષે 3થી 26 માર્ચ વચ્ચે યોજાઈ શકે છે. આ સિઝનમાં ફાઇનલ સહિત કુલ 22 મેચ થઇ શકે છે.