ગુજરાતમાં વાહનોમાં HSRP નંબર પ્લેટને ફરજીયાત કરવા છતાં લોકોમાં તેને લઇને નિરસતા જોવા મળી રહી છે ત્યારે સુરત RTO દ્વારા હવે બાકી રહેલા વાહનોમાં HSRP લગાવા માટે ડોર ટૂ ડોર અભિયાન શરૂ કરવામાં આવશે.
વાહનોમાં HSRP નંબર પ્લેટ ફરજીયાત છતા લોકોની નિરસતા
સુરતમાં હજુ પણ 5 લાખથી વધુ વાહનોમાં HSRP નંબર પ્લેટ નથી
સરકાર દ્વારા વારંવાર મુદત લંબાવવામાં છતાં લોકોમાં નિરસતા
રાજ્ય સરકાર દ્વારા વારંવાર મુદ્ત લંબાવવામાં આવી હોવા છતાં લોકોમાં HSRP નંબર પ્લેટ બદલવામાં નિરસતા જોવા મળી રહી છે. સુરત શહેરની વાત કરીએ તો હજુ પણ 5 લાખથી વધુ વાહનોમાં HSRP નંબર પ્લેટ લગાવામાં આવી નથી.
સુરત શહેરમાં ફેબ્રુઆરી માસમાં 3173 વાહનોમાં HSRP નંબર પ્લેટ લગાવાઇ હતી. જ્યારે RTO દ્વારા શહેર અને જિલ્લામાં 15 કેમ્પ શરૂ કરવામાં આવ્યાં છે.
આમ જ્યારે સુરત શહેરમાં જ જ્યારે 5 લાખથી વધુ વાહનોની HSRP નંબર પ્લેટ બાકી હોય ત્યારે RTO દ્વારા ડોર ટૂ ડોર અભિયાન શરૂ કરવામાં આવશે.
ઉલ્લેખનીય છે કે ગાંધીનગરમાં HSRP નંબર પ્લેટ મુદ્દે વિધાનસભામા ચર્ચા કરવામાં આવી હતી. HSRP નંબર પ્લેટ માટે સરકાર દ્વારા FTAને કામગીરી સોપાવમા આવી હતી. રાજ્ય સરકારને પ્લેટ નંબર અને કલર નીકળી જવાની ફરીયાદ મળી હતી. 36 ફરિયાદ મળતા સરકાર દ્વારા દંડ પેટે 25 લાખની વસુલાત કરી છે.