છબરડો / લ્યો બોલો! પેપર સેટર પ્રશ્નપત્ર કાઢવાનું જ ભૂલી ગયા, વીર નર્મદ દક્ષિણ ગુજરાત યુનિવર્સિટીનો ફરી મોટો છબરડો

• વીર નર્મદ યુનિવર્સિટીનો છબરડો
• Sy. B.comનું પ્રશ્નપત્ર કાઢવાનું ભૂલી ગયા
• ઓનલાઇન પ્રશ્નપત્ર કાઢવાનું ભૂલી ગયા

અવાર નવાર વિવાદોમાં રહેતી દક્ષિણ ગુજરાતની વીર નર્મદ યુનિવર્સિટીમાં ફરી છબરડો સામે આવ્યો છે. આ વખતે પેપર સેટર એવી ભૂલ કરી કે પરીક્ષામાં પ્રશ્નપત્ર કાઢવાનું જ ભૂલી ગયા, પેપર સેટરની બેદરકારીના કારણે વિદ્યાર્થીઓની પરીક્ષાનો સમય આગળ વધારી દેવામાં આવ્યો હતો. વિદ્યાર્થીઓની પરીક્ષા બપોરે 3.30 કલાકે શરૂ થવાની હતી ત્યારે વિદ્યાર્થીઓને પ્રશ્નપત્ર 4.45 કલાકે આપવામાં આવ્યા હતા.  

વીર નર્મદ દ.ગુજરાત યુનિ.નો છબરડો

મહત્વનું છે કે વીર નર્મદ દક્ષિણ ગુજરાત યુનિવર્સિટીમાં Sy. B.comમાં વિદ્યાર્થીઓની ઓનલાઈન પરીક્ષા યોજાઈ રહી છે ત્યારે ઓનલાઇન પ્રશ્નપત્ર કાઢવાનું જ પેપર સેટર ભૂલી ગયા હતા. માર્કેટિંગ-2 વિષયની પરીક્ષાનું ગુજરાતી પ્રશ્નપત્ર ન મોડું મળતા વિદ્યાર્થીઓ પણ  મંઝવણમાં મુકાઈ ગયા હતા.. જોકે પછીથી વિદ્યાર્થીઓને પેપર લેટ આપવામાં આવ્યું હતું. અગાઉ પણ ચોથી ડિસેમ્બરે યોજાયેલી બીએ સેમેસ્ટર-3 ની પરીક્ષામાં વિદ્યાર્થીઓના માર્ક્સમાં છબરડો સામે આવ્યો હતો. 

યુનિવર્સિટીની પરીક્ષાના પરિણામમાં ઘોર બેદરકારી

સુરત વીર નર્મદ સાઉથ ગુજરાત યુનિવર્સિટીની પરીક્ષાના પરિણામમાં ઘોર બેદરકારી સામે આવી હતી. મહત્વનું છે કે ચોથી ડિસેમ્બરે યોજાયેલી બીએ સેમેસ્ટર-3 ની પરીક્ષામાં વિદ્યાર્થીઓને માર્ક્સ આપવામાં યુનિવર્સિટીએ છબરડો સામે આવ્યો. જેમાં 50 ગુણની પરીક્ષામાં 59 થી લઈ 78 માર્કર્સ અપાતા વિદ્યાર્થીઓ પણ મૂંઝવણમાં મૂકાઈ ગયા હતા. 

યુનિવર્સિટીની કામગીરી સામે અનેક સવાલો 

યુનિવર્સિટી દ્વારા લેવાયેલી પરીક્ષામાં 10 જેટલા વિદ્યાર્થીઓને 50થી વધુ માર્ક્સ આપવામાં આવ્યા હતા. વિદ્યાર્થી સંગઠનના યુવાનોએ યુનિવર્સિટીના કુલપતિને આવેદન આપી જવાબદાર વિરુદ્ધ જરૂરી કાર્યવાહી કરવા માંગ કરવામાં આવી હતી.  સવારે લીધેલી પરીક્ષાના સાંજે પરિણામની ઉતાવળમાં છબરડો સામે આવ્યો હતો, અવાર નવાર આવી ગંભીર બેદરકારી સામે આવતા યુનિવર્સિટીની કામગીરી સામે અનેક સવાલો ઉઠી રહ્યા છે.