શેરબજાર / શેરધારકો માટે ખુશખબર, આ કંપનીએ વર્ષે સતત 5મી વખત ડિવિડન્ટ આપવાનું કર્યું એલાન

• વેદાંતા લિમિટેડે ડિવિડન્ટ ચૂકવણીની તારીખ નક્કી કરી
• વેદાંતા લિમિટેડ 4 વખત ડિવિડન્ટ તરીકે 81 રૂપિયા ચૂકવ્યા છે
• કંપની દેશમાં સૌથી વધુ ચૂકવણી કરનારી કંપનીઓમાંથી એક

વેદાંતા લિમિટેડે એક્સેજને આપેલી માહિતીમાં જણાવ્યું કે, તેઓ પોતાના શેર હોલ્ડર્સને પ્રતિ શેર 20.50 રૂપિયા વળતર આપશે. કંપનીએ 2050 ટકાના અંતરિમ ડિવિડન્ટની જાહેરાત કરી છે. 1 રૂપિયાના ફેસ વેલ્યૂના આધારે પ્રતિ શેર ડિવિડન્ટની કિંમત 20.50 રૂપિયા હશે. તેના માટે કંપની 7,621 કરોડ જાહેર કરશે.

આ પહેલા હાલના નાણાકીય વર્ષમાં વેદાંતા લિમિટેડ પોતાના શેર ધારકોને 4 વખત ડિવિડન્ટ તરીકે 81 રૂપિયાનો નફો વહેંચી ચૂકી છે અને હવે પાંચમાં અંતરિમ ડિવિડન્ટનું એલાન કરીને કંપનીએ રોકાણકારોને ખુશ કરી દીધા છે.

ડિવિડન્ટ મેળવવા માટે શું હશે રેકોર્ડ ડેટ?
વેદાંતા લિમિટેડ દ્વારા એક્સેજને આપવામાં આવેલી માહિતી અનુસાર, કંપનીએ ડિવિડન્ટની ચૂંટણી માટે રેકોર્ડ ડેટ 7 એપ્રિલ, 2023 નક્કી કરી છે. એટલે 7 એપ્રિલ સુધી કંપનીના રેકોર્ડમાં જે રોકાણકારોના નામ શેરધારકો તરીકે દાખલ થશે તેમને 20.50 રૂપિયાનું ડિવિડન્ડ અપાશે. અંતરિમ ડિવિડન્ટની ચૂકવણી નક્કી સમયમાં કરાશે.

FY23માં 4 ડિડિવેન્ટમાં કુલ 81 રૂપિયાની ચૂકવણી
6 મે 2022એ વેદાંતાએ રૂપિયા 31.50 પ્રતિ શેરના અંતરિમ ડિવિડન્ટ આપવાનું એલાન કર્યું હતું. ત્યારબાદ 26 જુલાઈ 2022એ વેદાંતાએ પોતાના શેરધારકોને રૂપિયા 19.50 રૂપિયા ડિવિડન્ડ આપ્યું. 29 નવેમ્બર 2022 અને 3 ફેબ્રુઆરી 2023એ ફરીથી રૂપિયા 17.50 અને રૂપિયા 12.50 પ્રતિ શેર માટે અંતરિમ ડિવિડન્ટ વહેંચ્યું.

વેદાંતા દેશમાં સૌથી વધુ ચૂકવણી કરનારી ડિવિડન્ટ કંપનીઓમાંથી એક છે, જેની યીલ્ડ 29.89 ટકા છે. આ વચ્ચે મંગળવારે એનએસઈ પર વેદાંતા પર શેર 1 ટકાથી વધીને 275.50 રૂપિયા પર બંધ થયો.