વાસ્તુ ટિપ્સ / ઘરમાં આ છોડ લગાવતા જ થઈ જશો માલામાલ, પહેલા જાણી લો વાસ્તુના આ નિયમો

• આ છોડ ખૂબ જ ચમત્કારિક છે
• ઘરમાં લગાવવાથી અનેક મુશ્કેલીઓમાંથી મળશે છૂટકારો
• નાણા અને સુખ-સમૃદ્ધીમાં પણ થશે વધારો

ઘરમાં લગાવો મોરપંખનો છોડ, થશે લાભ

ઘરમાં છોડ લગાવવા આમ તો ખૂબ સારું માનવામાં આવે છે. જેનાથી ઘર દેખાવમાં સુંદર લાગે છે. તો વાતાવરણ પણ શુદ્ધ થાય છે. વાસ્તુ શાસ્ત્ર મુજબ કેટલાંક છોડને ખૂબ ચમત્કારિક માનવામાં આવે છે. આ છોડ ઘરમાં સૌભાગ્ય લઇને આવે છે. જેનાથી ઘરમાંથી નકારાત્મક ઉર્જા દૂર થાય છે અને અનેક પ્રકારની પરેશાનીઓમાંથી છૂટકારો મળે છે. આજે એક આવા છોડ મોરપંખીની વાત કરીશુ. ઘરમાં મોરપંખનો છોડ લગાવવો અત્યંત શુભ માનવામાં આવે છે. જેનાથી નાણા અને સુખ-સમૃદ્ધીમાં પણ વધારો થાય છે.

વાસ્તુ દોષ

જો ઘરમાં વાસ્તુ દોષ છે તો મોરપંખનો છોડ લગાવવાથી તેમાંથી છૂટકારો મળી શકે છે. આ છોડને લગાવવાથી આવકના નવા સ્ત્રોત ખુલે છે અને ઘરમાં ખૂબ સારું થાય છે. માણસની આર્થિક સ્થિતિ મજબૂત થાય છે. 

રાહુ દોષ

વાસ્તુ શાસ્ત્ર મુજબ ઘરમાં મોરપંખનો છોડ લગાવવાથી રાહુ દોષ દૂર થાય છે. જે લોકોની કુંડળીમાં રાહુની મહાદશા ચાલી રહી હોય તેમને આ છોડ અવશ્ય લગાવવો જોઈએ. આ છોડ પ્રગતિના નવા દ્વાર પણ ખોલે છે. 

ખરાબ નજર 

ઘર અથવા માણસ પર ખરાબ નજર લાગી હોય તો તેના દરેક કામ બનતા-બનતા અટકી જાય છે. માણસની તબિયત ખરાબ રહે છે. આ સમસ્યાનુ સમાધાન પણ મોરપંખનો છોડ છે. ઘરમાં મોરપંખનો છોડ લગાવ્યો હોય તો તે તમને ખરાબ નજરથી બચાવે છે.