Vastu Tips / ઘરની દીવાલો પર ભૂલથી પણ ન લગાવતા આવી પેઈન્ટિંગ, વાસ્તુદોષથી ઘર થઈ જશે ખાલી

• ઘરની દીવાલો પર ન લગાવો આ તસ્વીરો 
• ખુશીઓમાં લાગી શકે છે ગ્રહણ 
• જાણો તસ્વીરોના મતલબ વિશે 

વાસ્તુનો આપણા જીવન પર ખૂબ જ પ્રભાવ પડે છે. તેથી જો ઘરની દિવાલો પર વાસ્તુ અનુસાર કોઈપણ પેઇન્ટિંગ ન લગાવવામાં આવે તો ઘરમાંથી તમામ સુખ-સમૃદ્ધિ દૂર થતા વાર નથી લાગતી. ઘરની સજાવટ કરતી વખતે વાસ્તુનું ધ્યાન રાખવું જરૂરી છે. ખોટી પેઇન્ટિંગ ઘરની સુખ-શાંતિનો નાશ કરે છે. ઘરમાં સકારાત્મક ઉર્જાનાં આગમન માટે ખૂબ જ જરૂરી છે કે ભૂલથી પણ આવી પેઇન્ટિંગ ઘરમાં ન લગાવો.

ઘરમાં આ તસ્વીરો કે પેઈન્ટિંગ ભૂલથી પણ ન લગાવવી જોઈએ

• મહાભારતના યુદ્ધનો ફોટો ઘરમાં ક્યારેય ન લગાવવો જોઈએ. એવું માનવામાં આવે છે કે આવા ફોટોના કારણે ઘરમાં ઝઘડો થાય છે.
• ઘરના મંદિરમાં તમારા પૂર્વજોની તસવીરો ન લગાવો. આમ કરવાથી વાસ્તુ દોષ ઉત્પન્ન થાય છે.
• રૂમમાં ડૂબતા સૂર્યની તસવીર ન લગાવો. આવા ચિત્ર જીવનમાં નકારાત્મકતા દર્શાવે છે.
• રડતા બાળકની તસવીર ભૂલથી પણ ન લગાવો. આવા ચિત્રમાંથી નકારાત્મકતા આવે છે.
• તાજમહેલનો ફોટો ઘરમાં ન લગાવવો જોઈએ. તેનાથી નકારાત્મક ઉર્જા આવે છે અને પરિવારના સભ્યોનું સ્વાસ્થ્ય બગડે છે.
• હિંસક પ્રાણીઓના ફોટા મુકવાથી મગજમાં નકારાત્મકતા આવે છે અને સાથે જ ઘરમાં પરેશાની પણ વધે છે.
• વહેતા પાણીની પેઈન્ટિંગ ન લગાવવી જોઈએ. એવું માનવામાં આવે છે કે જેમ પાણી વહેતું રહે છે તેમ ઘરની બહાર પૈસા પણ નીકળતા રહે છે.
• ઘરમાં એવા વૃક્ષો અને છોડના ચિત્રો ન લગાવો જેમાં કાંટા હોય. કારણ કે આવી તસવીર ઘરમાં નકારાત્મકતા લાવે છે.