વલસાડ / દારૂ ભેરેલી બોટ મધદરિયે બંધ પડતા થઇ જોવા જેવી, પોલીસે 15 લાખનો મુદ્દામાલ કર્યો જપ્ત

• માર્ગો પર પોલીસનો પહેરો વધતા વલસાડના બુટલેગારોનો નવો કિમિયો
• દરિયાઇ માર્ગે શરૂ કરી વિદેશીની હેરફેરી 
• છ આરોપીઓની ધરપકડ કરાઇ 

દારૂની છૂટ ધરાવતા સંપ્રદેશ દમણમાંથી મોટાપાયે ગુજરાતમાં દારૂની હેરાફેરી થતી હોય છે. જોકે રોડ માર્ગે પોલીસનો પહેરો વધી જતા હવે બુટલેગરોએ દારૂની હેરાફેરી માટે રોડ માર્ગ નહીં પરંતુ દરિયાઈ માર્ગ પસંદ કરી રહ્યા છે. અને જોકે બુટલેગરોની ચાલથી એક કદમ આગળ રહેતી વલસાડ પોલીસે બુટલેગરોની આ ચાલને પણ ઝડપી પાડી છે. અને વલસાડના દરિયા કિનારેથી વિદેશી દારૂને હેરાફેરી કરતી બે બોટ સહિત લાખો રૂપિયાના વિદેશી દારૂનો જથ્થો ઝડપી પાડયો છે. 

રિયાઈ માર્ગે વિદેશી દારૂની હેરાફેરીનું એક મસમોટું રેકેટ ઝડપાયુ
વલસાડ જિલ્લાની પારડી પોલીસે દરિયાઈ માર્ગે વિદેશી દારૂની હેરાફેરીનું એક મસમોટું રેકેટ ઝડપી પાડ્યું છે. સંઘપ્રદેશ દમણમાંથી દારૂની હેરાફેરી પર રોક લગાવવા માટે વલસાડ જિલ્લા પોલીસ દ્વારા નાકાબંધી વધુ કડક કરવામાં આવી છે. સાથે જ ચેકપોસ્ટોની સંખ્યા પણ વધારી દેવામાં આવી છે. રોડ માર્ગે પોલીસની ચાંપતી નજર હોવા છતાં દારૂના ધંધામાં મોટી કમાણી હોવાથી બુટલેગરો એનકેન પ્રકારે અવનવી તરકીબો અજમાવી અને દમણમાંથી વિદેશી દારૂ ગુજરાતમાં હેરાફેરીનો પ્રયાસો કરતા હોય છે.  રોડ માર્ગે પોલીસનો પહેરો વધુ સખત થયો હોવાથી અનેક વખત લાખો રૂપિયાનો દારૂ પકડાઈ જાય છે.

દમણના ત્રણ બુટલેગરોને પણ વોન્ટેડ જાહેર કર્યા
આથી હવે બુટલેગરો પોલીસની નજરથી બચવા રોડ માર્ગે નહીં પરંતુ દરિયાઈ માર્ગે દારૂની હેરાફેરી શરૂ કરી હોય તેમ લાગી રહ્યું છે. પારડી પોલીસને બાતમી મળતા જ પારડી પોલીસે ઉદવાડાના દરિયા કિનારે રેડ કરી હતી. આ રેડ દરમિયાન એક બોટમાંથી બીજી બોટમાં વિદેશી દારૂની હેરાફેરી થઈ રહી હતી. આથી પોલીસે તાત્કાલિક ત્રાટકી અને બોટમાંથી 3.36 લાખ ની કિંમતના વિદેશી દારૂનો જથ્થો અને 2 બોટ  ઝડપી પાડી હતી. હતો. આ કાર્યવાહી દરમિયાન 3.36 લાખ ની કિંમતના વિદેશી દારૂ12 લાખની કિંમતની 2 બોટ મળી અંદાજે 15 લાખથી વધુની મુદ્દામાલ સાથે છ આરોપીઓની ધરપકડ કરી છે. તો દમણથી દારુ ભરાવનાર દમણના ત્રણ બુટલેગરોને પણ વોન્ટેડ જાહેર કર્યા છે.

દરિયામાં બોટ બંધ થતાં બીજી એક બોટમાં ભરી રહ્યા હતા દારૂ 
દમણના દરિયા કિનારેથી વિદેશી દારૂનો આ જથ્થો બોટમાં ભરી અને વલસાડ જિલ્લાના દાંતીના દરિયા કિનારા સુધી લઈ જઈ રહ્યા હતા. જોકે અધવચ્ચે જ દરિયામાં બોટ બંધ થઈ જતા બુટલેગરો આ વિદેશી દારૂનો જથ્થો બીજી એક બોટમાં ભરી રહ્યા હતા.એ વખતે જ પોલીસ ત્રાટકી હતી અને દરિયાઈ માર્ગે વિદેશી દારૂના હેરાફેરીનો મસ મોટું રેકેટ ઝડપાયું છે. પોલીસની તપાસમાં બહાર આવ્યું છે કે દરિયાઈ માર્ગે દારૂની હેરાફેરીનું રેકેટનો મુખ્ય સૂત્રધાર આશિષ ટંડેલ નામનો એક બુટલેગર છે. જે દમણના કડઈયા વિસ્તારના  દરિયા કિનારાથી બોટમાં વિદેશી દારૂનો જથ્થો ભરતો હતો. અને ત્યારબાદ વલસાડના દરિયા કિનારે રાતના અંધકારમાં બુટલેગરોને  વિદેશી દારૂ સપ્લાય કરતો હતો.જો કે પોલીસથી બચવા બુટલેગરો દરિયાઈ માર્ગે દરિયામાં પાંચ નોટિકલ માઈલથી દૂર વિસ્તારમાંથી બોટ ચલાવતા હતા અને રાતના અંધકારમાં વલસાડ જિલ્લાના વિસ્તારોના દરિયા કિનારે બોટને લંગારી અને દેશી દારૂની હેરાફેરી કરતા હોવાનું બહાર આવ્યું છે.