વડોદરામાં થયેલ 5 કરોડની ખંડણી મામલે SOG પોલીસે હથિયાર સાથે યુપીના 2 શખ્સોની ધરપકડ કરી છે. આ મામલે અબ્દુલ્લાખાન અને શદાન પઠાણ નામના 2 આરોપીઓની ધરપકડ કરવામાં આવી છે.
પોલીસે કરેલ ધરપકડ દરમિયાન આરોપીઓ પાસેથી 1 દેશી બનાવટી પિસ્તોલ અને 2 તમંચા પણ મળી આવ્યા હતા. આ ઉપરાંત 9 કારતૂસ બાઈક અને મોબાઈલ સહિતનો કેટલોક મુદ્દામાલ પોલીસે કબ્જે કર્યો છે.
ઉલ્લેખનીય છે કે 5 મહિના પહેલા શહેરના સનફાર્મા રોડ ઉપર જીતેદ્ર અગ્રવાલ નામના વ્યક્તિ પર અબ્દુલ્લાખાન અને શદાન પઠાણ નામના આ બંને શખ્સોએ ફાયરિંગ કર્યુ હતુ.