રેડ / વડોદરામાં વધુ 4 શખ્સો IPL મેચ પર ઓનલાઇન સટ્ટો રમતા ઝડપાયા

વડોદરામાં IPL મેચ પર સટ્ટો રમતા 4 શખ્સો ઝડપાયા છે. દશરથ ગામે ઓનલાઇન સટ્ટો ચારેય શખ્સો રમતા હતાં. આ ઝડપાયેલા શખ્સો પાસેથી રૂપિયા 1 લાખ 14 હજારનો મુદ્દામાલ કબ્જે કરવામાં આવ્યો છે. 

આ સાથે ટી.વી., સેટ-અપ બોક્સ, 4 મોબાઈલ સહિતનો મુદ્દામાલ કબ્જે કરવામાં આવ્યો છે. જલારામ નાસ્તા હાઉસમાં શખ્સો સટ્ટો રમી રહ્યા હતાં. ક્રાઈમબ્રાંચે દરોડા કરીને સટ્ટાખોર શખ્સોને ઝડપી પાડ્યા છે. આ સમગ્ર મામલાનો મુખ્ય સટોડીયો આલોક પટેલ વોન્ટેડ છે.

થોડા દિવસ અગાઉ વડોદરામાં IPLનો સટ્ટો રમતા બે શખ્સ ઝડપાયા
થોડા અગાઉ પણ વડોદરામાં IPLનો સટ્ટો રમતા બે શખ્સ ઝડપાયા હતા. તેઓ પારૂલ કોલેજમાં સટ્ટો રમતા હતાં તે સમયે ઝડપી પાડવામાં આવ્યા હતા. જેમાં કાર, 5 મોબાઇલ સહિત રૂપિયા 1  લાખ 75 હજારનો મુદ્દા માલ જપ્ત કરવામાં આવ્યો હતો. વડોદરા ગ્રામ્ય SOGની ટીમે કાર્યવાહી હાથ ધરી હતી. વાઘોડિયા પોલીસ મથકે ફરિયાદ નોંઘી તપાસ હાથ ધરી હતી.