વડોદરા જિલ્લામાં વધુ એક ભાજપના નેતા વિવાદમાં આવ્યાં છે. પાદરા તાલુકાના ભાજપ મહામંત્રી શૈલેષ સ્વામી ફરી એકવાર વિવાદમાં આવ્યાં છે. કોરોના પોઝિટિવ હોવા છતાં હોસ્પિટલમાં કાર્યક્રમ યોજાવને લઇને વિવાદ સર્જાયો છે.
પાદરાના ભાજપ મહામંત્રી શૈલેષ સ્વામી વિવાદમાં
વડોદરાની જ્યુપિટર કોવિડ હોસ્પિટલમાં કર્યો કાર્યક્રમ
કોરોના વોરિયર્સ તબીબોને એવોર્ડ આપી સન્માન્યા
વડોદરાના પાદરા તાલુકા ભાજપ મહામંત્રી શૈલેષ સ્વામી ફરી એકવાર વિવાદમાં આવ્યા છે. પોતે કોરોના સંક્રમિત હોવા છતાં પણ નિયમોને નેવે મુકીને હોસ્પિટલમાં કાર્યક્રમ યોજ્યો હતો.
વડોદરાની જ્યુપિટર કોવીડ હોસ્પિટલમાં તેમણે કાર્યક્રમ યોજ્યો હતો. આશ્ચર્યજનક બાબત તો એ છે કે, આકોટા ભાજપના ધારાસભ્ય સીમા મોહિલે પણ આ કાર્યક્રમમાં હાજર રહ્યા હતા.
કોરોના વોરિયર્સ તબીબોને એવોર્ડ આપવા માટે આ કાર્યક્રમનું આયોજન કરવામાં આવ્યું હતું. હોસ્પિટલે કાર્યક્રમ કરવા કેવી રીતે મંજૂરી આપી તે એક મોટો સવાલ છે. જો કોરોનાનું સંક્રમણ ફેલાય તેના માટે કોણ જવાબદાર?