કંટ્રોલ રૂમ / વડોદરાવાસીઓ પીવાના પાણીનો પ્રશ્ન હોય તો આ નંબર પર લગાવો ફોન, તુરંત ઉકેલાશે સમસ્યા

• વડોદરા મનપાનો નવતર પ્રયોગ
• પાણી માટે શરૂ કરાયો કંટ્રોલરૂમ
• પાણીની ફરિયાદ માટે કંટ્રોલરૂમ 

વડોદરા મનપા દ્વારા પાણી માટે કંટ્રોલ રૂમ શરૂ કરાયો

વડોદરામાં પીવાનું પાણી ઓછા પ્રેશરથી આવવું, સમયસર નહીં તેમજ ગંદુ પાણી આવવા સહિતની સૌથી વધુ ફરિયાદો વડોદરા મ્યુનિસિપલ કોર્પોરેશનમાં આવતી હોય છે, ત્યારે આવી ફરિયાદોના નિવારણ માટે વડોદરા કોર્પોરેશને હવે કંટ્રોલ રૂમ શરૂ કર્યો છે તેમજ ફરિયાદ માટે મોબાઇલ અને ટેલિફોન નંબર જાહેર કર્યા છે.

ઉનાળાની શરૂઆત થતાં પાણી માટે કંટ્રોલ રૂમ શરૂ કર્યો

વડોદરા મ્યુનિસિપલ કોર્પોરેશન દ્વારા ઉનાળામાં લોકોની પાણીને લગતી ફરિયાદોનો તાત્કાલિક નિકાલ લાવવા માટે વડોદરા મનપા દ્વારા નવતર પ્રયોગ હાથ ધરવામાં આવ્યો છે. જેમાં શહેરના કારેલીબાગ પાણીની ટાંકી ખાતે કંટ્રોલ રૂમ એટલે કે, પીવાના પાણીના પ્રશ્નો બાબતે લોકો ફરિયાદ સેલ શરૂ કરવામાં આવ્યો છે. જ્યાં સવારથી સાંજ સુધી ફોન દ્વારા ફરિયાદ નોંધાવી શકાશે. આ માટે મોબાઇલ નંબર 6359776325 તથા લેન્ડ લાઇન નંબર 0265 2481828 પર સંપર્ક કરવાનો રહેશે. 

કેવા પ્રકારની ફરિયાદો કરી શકાશે

- પાણી ઓછા પ્રેશરથી મળવું   
- પાણી સમયરસ નહીં મળવું
- પાણીના નળ પર ડાયરેક્ટ મોટર લગાવી પાણી ખેંચતા હોવાની ફરિયાદ
- પાણીની લાઇનમાં લીકેજ
- પાણીનો બગાડ અને વેડફાટ અંગેની ફરિયાદ