VTV મુહિમ / વડોદરા મનપાનો રખડતાં ઢોર માટેનો નવો એક્શન પ્લાન, ગુજરાતની અન્ય મહાનગરપાલિકાઓ ક્યારે શીખ લેશે?

• વડોદરા મનપામાં પશુઓને ટેગિંગ કરવાની ઝૂંબેશ
• 4 ઝોનમાં 4 ટીમ કરી રહી છે કામગીરી
• પોલીસ બંદોબસ્ત સાથે મનપાની ટીમની કામગીરી

વડોદરા મનપા દ્વારા પશુઓને ટેગિંગ કરવાની ઝૂંબેશ શરૂ કરાઇ છે. સતત બીજા દિવસે પણ પશુઓને ટેગિંગ કરવાની કાર્યવાહી શરૂ કરી છે. વડોદરા મનપાની ટીમ પોલીસ બંદોબસ્ત સાથે કામગીરી કરી રહી છે. આજવા રોડ, અમન સોસાયટીમાં ટેગિંગ કરવાની કામગીરી કરવામાં આવી છે.

રખડતા ઢોર પર  પાસા સુધીની કાર્યવાહી 
વડોદરા મનપાની 4 ટીમ 4 ઝોનમાં કામગીરી કરી રહી છે. અને વડોદરા મનપાએ 2014થી અત્યાર સુધી કુલ 25 હજાર પશુઓને ટેગિંગ કર્યા છે. વડોદરા મનપાએ પહેલા દિવસે 465 પશુઓને ટેગ લગાવ્યા છે. અને સાથે જ વડોદરામાં પશુઓની જન્મ-મૃત્યુની નોંધણી પણ ફરજિયાત કરાઇ છે. આ અંગે વડોદરાના મેયર કેયુર રોકડિયાએ કહ્યું કે ટેગિંગમાં પશુ માલિકની સંપૂર્ણ માહિતી હશે. અને પ્રથમ વખત પશુ પકડાશે તો 6 હજાર 200નો દંડ કરાશે. બીજા વાર પશુ પકડાશે તો 11 હજાર 200નો દંડ કરાશે. અને બે વખતથી વધુ પશુ પકડાશે તો માલિક સામે પાસા સુધીની કાર્યવાહી કરાશે. 

બોમ્બે તંત્ર પાસેથી શીખવું જોઈએ: અમી રાવત નેતા,વિપક્ષ વડોદરા મનપા
વિપક્ષ નું કહેવું છે કે સત્તાધીશો દ્વારા વિપક્ષ ને સાથે રાખ્યા વગર મનસ્વી નિર્ણય લેવાયા છે.ઢોર પકડવા પાલિકા ની ટિમો જાય તે પહેલાં પશુપાલકો ને જાણ થઈ જાય છે.આવા નિર્ણયો થી ઢોરો નો ત્રાસ ઓછો નહીં થાય. પાલિકાએ બોમ્બે તંત્ર પાસેથી શીખવું જોઈએ કે જ્યાં રખડતા ઢોર નો કોઈજ ત્રાસ નથી રહ્યો

રખડતાં ઢોર માટે શું કરાઇ વૈકલ્પિક વ્યવસ્થા?
શહેર ની આસપાસ 7 જગ્યાઓ ને ગૌચર ની જમીન સ્વરૂપે જોવામાં આવી છે આવનાર દિવસો માં શહેર માં રહેતા ગૌપાલકો ને આ જગ્યાઓ એ શિફ્ટ કરવાની પ્રક્રિયા હાથ ધરવામાં આવશે.ઉલ્લેખનીય છે કે શહેરમાં 20 હજાર જેટલા પશુઓ છે જેથી 4 ઝોનમાં પશુઓ માટે જમીન ફાળવવામાં આવશે. ઉપરાંત મેયરે એવું પણ કહ્યું છે જો જરૂર જણાય તો કલેક્ટર પાસે ગૌચારની જમીન પણ માગવામાં આવશે. સમગ્ર મામલે મેયરે એવું કહ્યું છે કે જ્યા સુધી વ્યવસ્થા ના થાય ત્યા સુધી તેઓ રખડતા પશું પકડવા માટે 24 કલાક કામ કરશે.