સવાલ / કોરોના કાળમાં રાજ્યની આ મહાપાલિકાએ પતરા લગાવવા પાછળ કર્યો અધધધ ખર્ચ, તંત્ર પર ઉઠ્યાં સવાલ

• વડોદરમાં કન્ટેન્ટમેન્ટ ઝોનમાં પતરા લગાવવાનોનો 2.5 કરોડનો ખર્ચ
• 300 રૂપિયાની બજાર કિમતના પતરાની 550માં ખરીદી
• 1.50 કરોડના પતરા 2.50 કરોડમા ખરીધ્યાં

રાજ્યની પ્રજા એક બાજુ જ્યાં કોરોનાના સંકટ સામે લડી રહી છે. ત્યારે વહીવટી તંત્ર કટકી કરવામાં કંઇ બાકી ન રાખતું હોય તેવું સામે આવી રહ્યું છે. રાજ્યની વડોદરા મહાપાલિકા ઉપર કન્ટેન્ટમેન્ટ ઝોનમાં પતરા લગાવાની ખરીદીને લઇને આક્ષેપ લગાવામાં આવ્યો છે. 
 

શહેરની મહાપાલિક દ્વારા કેન્ટેન્ટમેન્ટ ઝોનમાં પતરા લગાવવા પાછળ અઢી કરોડનો ખર્ચ કર્યો હોવાનું દર્શાવામાં આવ્યું છે. બજારમાં 300 રૂપિયા મળતા પતરા 550માં ખરીદ્યા હોવાનું સામે આવ્યું છે. 

આમ સરવાળે એવું બન્યું કે 1.5  કરોડની કિંમતના પતરા 2.50 કરોડમાં પડ્યાં. જેમાં ઉત્તર ઝોનનું બીલ 2 કરોડનું બન્યું, જ્યારે બાકીના ઝોનમાં 16થી 25 લાખ સુધીનું બીલ બન્યું. હવે અડધાભાવે કોન્ટ્રાકટર પતરા ખરીદે તેવો કારસો રચાયો છે. કોન્ટ્રાકટરે કોરોનાકાળમાં 95 ટકા વધુ ભાવ વસૂલ્યો છે. 

સળગતા સવાલ...

• વડોદરા મહાપાલિકાને વહીવટ કરતા નથી આવડતું?
• કોરોનાકાળમાં પણ પ્રજાને લૂંટવાનું લાયસન્સ લીધું છે?
• 300 રૂપિયાની કિંમતના પતરા 550માં કેમ ખરીદ્યા?
• હવે પતરામાં પણ કટકી કરશો?
• સંસ્કારી નગરી વડોદરા કૌભાંડીઓના હવાલે છે?
• આવા લોકોને પ્રજાના પ્રતિનિધી કહેવાય ખરા?
• આવા તો કેટલા વહીવટ હશે જેમા કટકી થતી હશે?
• સ્થાનિક સ્વરાજની સંસ્થા એટલે કટકી આપવી જ પડે?