તપાસ / વડોદરાના હાઈપ્રોફાઈલ દુષ્કર્મ કેસ મામલે પીડિત યુવતીએ પોલીસ મથકમાં રજૂ કર્યા આ મોટા પુરાવાઓ, તપાસ ક્રાઈમ બ્રાન્ચને સોંપાઈ

• વડોદરાના હાઈપ્રોફાઈલ દુષ્કર્મ કેસનો મામલો
• CA અશોક જૈન, સેક્રેટરી રાજુ ભટ્ટના ફોટો રજૂ કર્યા
• સમગ્ર કેસની તપાસ ક્રાઈમ બ્રાન્ચ સોંપાઈ

વડોદરાના ચકચારી એવા દુષ્કર્મ કેસમાં નવા ખુલાસાઓ થઈ રહ્યા છે ત્યારે દિવસે દિવસે નવા વળાંક આવતા હોય તેવું લાગી રહ્યું છે મૂળ હરિયાણાની યુવતી કે જે ખાનગી યૂનિવર્સિટીમાં કાયદાશાખાનો અભ્યાસ કરવા આવી હતી તેના પર કથિત દુષ્કર્મ કેસમાં અલ્પુ સિંધી નામના બુટલેગર નાણાં પડાવવા કારસો રચ્યો હોવાનું મનાઈ રહ્યું છે, જોકે દુષ્કર્મ કેસમાં આરોપી સાથેના ફોટો યુવતીએ પોલીસ મથકમાં રજૂ કર્યા છે. 

સમગ્ર કેસની તપાસ ક્રાઈમ બ્રાન્ચ સોંપાઈ

વડોદરામાં હાઈપ્રોફાઈલ દુષ્કર્મ કેસ મામલે તપાસ ક્રાઈમ બ્રાંચને સોંપવામાં આવી છે, મહત્વનું છે કે આ કેસમાં હરિયાણાની યુવતી સાથે પાવાગઢના મંદિરના સેક્રેટરી રાજુ ભટ્ટ પર દુષ્કર્મનો આક્ષેપ લાગ્યો છે, જેને લઈ ગઈ કાલે જ રાજુભટ્ટે સેક્રેટરી પદેથી રાજીનામું આપી દીધું છે, જો કે કેસની તપાસ ક્રાઈમ બ્રાંચને સોંપ્યા બાદ હવે સમગ્ર કેસ પર પોલીસ કમિશનર નજર રાખશે, મહત્વનું છે દુષ્કર્મ કેસની ફરિયાદ નોંધાયા બાદ પણ હજુ સુધી કોઈ આરોપીની ધરપકડ કરવામાં આવી નથી ત્યારે પોલીસની તપાસ કામગીરી ઉપર પણ સવાલો ઉઠી રહ્યા છે. 

CA અશોક જૈન, સેક્રેટરી રાજુ ભટ્ટના ફોટો રજૂ કર્યા 

બીજી તરફ દુષ્કર્મનો ભોગ બનેલી પીડિતાએ પોલીસમાં CA અશોક જૈન, સેક્રેટરી રાજુ ભટ્ટના  પુરાવા તરીકે અનેક ફોટો રજૂ કર્યા છે. પીડિયાતાએ દિવાડીપુરાના નિસર્ગ કોમ્પલેક્ક્ષમાં દુષ્કર્મ કરાયાનો આક્ષેપ કર્યો છે. તો પોલીસે પીડિય યુવતીનું નિવેદન લઈ નોંધી આગળી કાર્યવાહી માટે સમગ્ર વિગત ક્રાઈમ બ્રાન્ચને જાણ કરી છે. તો ક્રાઈમબ્રાન્ચ દ્વારા સમગ્ર મામલે ઝીણવટ ભરી તપાસ હાથ ધરવામાં આવતા હવે કેસમાં નવા ખુલાસા થઈ શકે છે અને આ કેસમાં અનેક વળાંક આવી શકે છે તેવું મનાઈ રહ્યું છે. 

વડોદરાના હાઈ પ્રોફાઈલ દુષ્કર્મ કેસનો મામલો

પાવાગઢ મંદિરના મુખ્ય ટ્રસ્ટી સામે નોંધાયેલી દુષ્કર્મની ફરિયાદ બાદ મંદિર ટ્રસ્ટ પણ વિવાદ હોવાનું સામે આવ્યું છે. આરોપી અશોક જૈન અને રાજુ ભટ્ટના વકીલ હિતેશ ગુપ્તાએ કહ્યું છે કે, મારા અસીલ પર લગાવાયેલા આરોપ પાયા વિહોણા છે. અલ્પુ સિંધી નામક બુટલેગર યુવતીનો મિત્ર છે અને તેનો ઉપયોગ કરી નાણા પડાવવા માંગે છે. કહેવાય છે કે, યુવતી જ્યારે ફરિયાદ લખાવવા ગઈ ત્યારે અલ્પુ સિંધી પણ સાથે હતો. વકીલ ગુપ્તાએ ઉમેર્યું છે કે, તેમના અસીલ નાર્કો ટેસ્ટ સુધી તૈયાર છે પરંતુ પોલીસે, યુવતી અને અલ્પુ સિંધીના સંબધો વિષે  પણ તપાસ કરવી જોઈએ પરતું આજે દુષ્કર્મનો ભોગ બનેલી પીડિતાએ પોલીસમાં CA અશોક જૈન, સેક્રેટરી રાજુ ભટ્ટના પુરાવા તરીકેના ફોટોઓ રજૂ કર્યા છે. વડોદરાના ગોત્રી પોલીસ મથકમાં અશોક જૈન અને રાજુ ભટ્ટ વિરુદ્ધ દુષ્કર્મની ફરિયાદ નોંધાયા બાદ હવે આ કેસ હાઈ-પ્રોફાઈલ બની ગયો છે.