IPLIN
 

VIDEOS / આ શહેર છે કે નહેર! 14 કલાકમાં 20 ઇંચ વરસાદથી વડોદરા ફેરવાયું બેટમાં

Team VTV 02:30 PM, 01 Aug 19 | Updated: 08:30 PM, 01 Aug 19
Follow us
Vadodara heavy rain videos viral on twitter in Gujarat

સમગ્ર રાજ્યમાં મેઘરાજા મન મૂકીને વરસી રહ્યાં છે. છેલ્લા 24 કલાકમાં રાજ્યના 221 તાલુકાઓમાં વરસાદ વરસ્યો છે. જેમાં વાત કરીએ વડોદરાની તો સૌથી વધુ વડોદરામાં 14 કલાકમાં 20 ઈંચ જેટલો વરસાદ વરસ્યો છે. ત્યારે શહેરમાં વરસાદે 6 વ્યક્તિનો ભોગ લીધો છે. ભારે વરસાદના પગલે જિલ્લા વહીવટી તંત્ર સતત ખડેપગે હાજર છે અને બચાવ કામગીરી પણ સખ્તપણે હાથ ધરવામાં આવી છે. હવામાન વિભાગ દ્વારા પણ હજી ભારે વરસાદની આગાહી કરવામાં આવી છે.

Vadodara rain

ગુજરાતના વડોદરામાં ભારે વરસાદથી શહેરમાં ખૂબ જ ખરાબ હાલત થઇ ગઇ છે. ત્યારે જાહેર માર્ગો પર ચારે બાજુ પાણી ભરાઇ ગયા છે. ત્યારે શહેરની હાલત જોઇને તમને બે ઘડીક તો એમ લાગશે કે આ તો શહેર છે કે નદી. પ્રશાસન માટે લોકોને રેસ્ક્યુ કરવાનું મુશ્કેલ થઇ ગયું છે. એવામાં હજી પણ વરસાદનો માહોલ જોવા મળી રહ્યો છે. સ્કૂલ-કોલેજોને પણ બંધ રાખવામાં આવેલ છે.

સમગ્ર રાજ્યમાં મેઘરાજા મન મૂકીને વરસી રહ્યાં છે. છેલ્લા 24 કલાકમાં રાજ્યના 221 તાલુકાઓમાં વરસાદ વરસ્યો છે. જેમાં વાત કરીએ વડોદરાની તો સૌથી વધુ વડોદરામાં 14 કલાકમાં 20 ઈંચ જેટલો વરસાદ વરસ્યો છે. ત્યારે શહેરમાં વરસાદે 6 વ્યક્તિનો ભોગ લીધો છે. ભારે વરસાદના પગલે જિલ્લા વહીવટી તંત્ર સતત ખડેપગે હાજર છે અને બચાવ કામગીરી પણ સખ્તપણે હાથ ધરવામાં આવી છે. હવામાન વિભાગ દ્વારા પણ હજી ભારે વરસાદની આગાહી કરવામાં આવી છે.

vadodara rain

તમને જણાવી દઇએ કે શહેરમાં ગઇ કાલે 14 કલાકમાં જ 20 ઇંચ વરસાદ પડતાં સમગ્ર શહેરનું જનજીવન ઠપ થઇ ગયું છે. બાજવામાં પણ દીવાલ ધસી પડતાં 4 લોકોના મોત થયા છે. જ્યારે વીજકરંટથી અને અન્ય એક ઘટનામાં 2 મોત થતાં વરસાદે અત્યાર સુધીમાં 6 વ્યક્તિનો ભોગ લીધો છે. ત્યારે આ ગંભીર સ્થિતિને જોતા તંત્ર દ્વારા વડોદરાની શાળા-કોલેજો, એરપોર્ટ અને કોર્ટ-કચેરીઓ પણ બંધ રાખવામાં આવેલ છે.

ભારે વરસાદને લઇ વિશ્વામિત્રી નદીએ પણ ભયજનક સપાટી વટાવી દીધી છે. જો કે વિશ્વામિત્રી નદીમાંથી મગર પણ શહેરમાં જોવા મળ્યા હતાં. વર્ષ 2005માં પણ વડોદરામાં એક જ દિવસમાં 12 ઇંચ વરસાદ પડતાં સમગ્ર શહેર જળબંબાકાર થઇ ગયુ હતું. હાલમાં સમગ્ર શહેરનું જનજીવન અસ્તવ્યસ્ત થઇ ગયું છે.વડોદરામાં વિશ્વામિત્રી નદીમાં આવેલા પૂરના કારણે શહેરમાં મગર ઘુસી ગયા છે.

પાણીના પ્રવાહની સાથે મગર તણાઈ આવ્યા છે. તો મગર રહેણાંક વિસ્તારોમાં પણ ઘુસી ગયા છે. જેને પગલે સ્થાનિકોમાં પણ ભયનો માહોલ ફેલાઈ ગયો છે. તેવામાં એક મગરના દ્રશ્યો કેમેરામાં કેદ થયા છે. જે રહેણાંક વિસ્તારમાં ફરી રહ્યો છે. અને અચાનક શ્વાન પર હુમલો પણ કરે છે. આ મગર લોકો પર પણ હુમલો કરી શકે છે. જો કે આ હુમલામાં શ્વાન બચી ગયો છે. જો કે અહીં વડોદરાવાસીઓને ચેતી જવાની જરૂર છે.

પાણીમાં મોજ મસ્તી માણવા માટે બહાર નીકળતા હોય તો જરા ચેતી જજો કારણ કે વડોદરા શહેરમાં મગર ફરી રહ્યાં છે. ત્યારે એવા માહોલની વચ્ચે વડોદરાથી અનેક પ્રકારની તસ્વીરો અને વીડિયો સામે આવ્યાં છે. જેમાના કેટલાંક વીડિયો અને તસ્વીરો અહીં શેર કરીએ છીએ જેને જોઇ તમે પણ શહેરને કહી ઉઠશો જાણે નદી ના હોય.

શહેરમાં ક્યાંક ક્યાંક તો આ ભારે વરસાદને લઇ ઘરોમાં ઇલેક્ટ્રિક ફ્યુઝ પણ શોર્ટ સર્કિટ થઇ રહ્યાં છે. જેમાંનો એક વીડિયો પણ ટ્વિટર પર શેર કરવામાં આવ્યો છે. જે નીચે મુજબ છે.

અનેક લોકોનું સલામત સ્થળે સ્થળાંતર:


વડોદરામાં 962 લોકોનું સલામત સ્થળે સ્થળાંતર કરવામાં આવ્યું છે. તેમજ જરૂરી વ્યવસ્થા પૂરી પાડવામાં આવી છે. વડોદરાના ઉડેરા ગામમાં તળાવના આજુબાજુ વિસ્તારના 200 લોકોનુ સ્થળાંતર કરવામાં આવ્યું છે. તેઓને પ્રાથમિક શાળામાં આશ્રય આપવામાં આવ્યો છે. સોખડા ગામના રામટેકરા વિસ્તારના પણ 200 લોકોનું સ્થળાંતર કરવામાં આવ્યું છે. તેઓને પણ પ્રાથમિક શાળામાં આશ્રય આપવામાં આવ્યો છે. ભાયલી ગામના ગ્રાઉન્ડ વલ્ડ અને આંબેડકર ફળીયાના 150 લોકોનું પ્રાથમિક શાળામાં સ્થાંળતર કરવામાં આવ્યું છે. કોટલી ગામના નવીનગરી વિસ્તારના 150 લોકોનુ પણ ગામની પ્રાથમિક શાળા ખાતે સ્થળાંતર કરવામાં આવ્યું છે.

 

vadodra વડોદરા Heavy Rain વરસાદ ભારે વરસાદ આગાહી Rain forecast gujarat Rain Heavy rainfall Twitter videos
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ