UP / મહિલા કોલેજનો પ્રોફેસર ચલવાતો હતો સેક્સ રેકેટ, વિદ્યાર્થિનીએ જ ભાંડો ફોડી દેતાં શું કર્યું જુઓ

• પીલીભીત મહિલા કોલેજના પ્રોફેસર ચલાવતો હતો સેક્સ રેકેટ
• એક વિદ્યાર્થી SPને આવેદન આપી સમગ્ર મામલા અંગે વાકેફ કર્યા 
• આ કામમાં પ્રોફેસર ઉપરાંત કોલેજ સ્ટાફ અને અન્ય વિદ્યાર્થીઓ પણ સામેલ છે.

આ કામમાં પ્રોફેસર ઉપરાંત કોલેજ સ્ટાફ અને અન્ય વિદ્યાર્થીઓ પણ સામેલ છે.

આરોપી પ્રોફેસર સરકારી મહિલો કોલેજમાં ભણાવે છે. કામરાન આલમ ખાન નામનો પ્રોફેસર કોલેજની વિદ્યાર્થીઓને ફસાવીને તેમના રૂમમાં લઈ જતો હતો. તે વિદ્યાર્થિનીઓને નશીલા પદાર્થ ખવડાવીને તેમની સાથે ગેરકાયદેસર સંબંધ બાંધતો હતો. આ પછી તે યુવતીઓને બ્લેકમેલ કરીને બહાર મોકલી દેતો હતો. આ બાબતનો ખુલાસો કરનાર વિદ્યાર્થીનો આરોપ છે કે, આ કામમાં પ્રોફેસર ઉપરાંત કોલેજ સ્ટાફ અને અન્ય વિદ્યાર્થીઓ પણ સામેલ છે. પ્રોફેસર વિદ્યાર્થીઓને અશ્લીલ પુસ્તકો અને જાતીય રમકડાં આપીને અશ્લીલ હરકતો કરવા દબાણ કરતો હતો.

આવી રીતે કિસ્સો સામે આવ્યો છે

20 નવેમ્બરના રોજ એક યુવકે કોલેજ પ્રશાસનને ફોન કરીને પ્રોફેસર દ્વારા  ચલાવવામાં આવી રહેલા સેક્સ રેકેટની જાણકારી આપી હતી. આ પછી પણ કોલેજ મેનેજમેન્ટ દ્વારા નક્કર પગલા લેવામાં આવ્યા ન હતા. 21 નવેમ્બરના રોજ એક વિદ્યાર્થી એસપીને મળ્યો અને લેખિત અરજી આપીને મામલો જાહેર કર્યો. એસપીની સૂચના બાદ કોતવાલી પોલીસ સ્ટેશને એફઆઈઆર નોંધીને મામલાની તપાસ શરૂ કરી છે.

પોલીસે કોલેજમાં જઈ કાર્યવાહી હાથ ધરી 

પોલીસે સોમવારે કોલેજમાં પહોંચીને માહિતી એક્ઠી કરી હતી. હાલ આરોપી પ્રોફેસર ફરાર છે. પોલીસ તેને શોધી રહી છે. પીલીભીતના સીઓ સિટી સુનિલ દત્તે જણાવ્યું કે, વિદ્યાર્થી પોલીસ અધિક્ષક સમક્ષ હાજર થયો હતો. અને કાર્યવાહીની માંગ કરી હતી. હાલ મામલાની તપાસ ચાલી રહી છે