ગાંધીનગર / હાથરસ કેસના ચારેય આરોપીઓને લઇને ગુજરાત પહોંચી CBI, કરાશે આ કાર્યવાહી

• યુપીના હાથરસ કાંડના આરોપીઓને લવાયા ગુજરાત
• આરોપી સંદીપ, રવિ, લવકુશ, રામૂને લવાયા ગાંધીનગર
• ગાંધીનગરમાં આરોપીઓના નાર્કો, પોલીગ્રાફ અને બ્રેનમૈપિંગ ટેસ્ટ કરાશે

દેશભરમાં હાહાકાર મચાવનારા ઉત્તરપ્રદેશના હાથરસકાંડના આરોપીઓને ગુજરાત લાવવામાં આવ્યા છે. આરોપી સંદિપ, રવિ, લવકુશ અને રામૂને ગાંધીનગર લવાયા છે. આ તમામ આરોપીઓનો ગાંધીનગરમાં પોલીગ્રાફ અને બ્રેઇનમેપિંગ ટેસ્ટ કરવામાં આવશે. CBI ચારેય આરોપીઓને ઉત્તરપ્રદેશથી ગુજરાત લાવી છે અને આરોપીઓનો અહિંયા ટેસ્ટ કરવામાં આવશે. સાક્ષી અને પીડિત પરિવારનો ટેસ્ટ થઇ શકે તેવી શક્યતાઓ સેવાઈ રહી છે.

કોર્ટની મંજૂરી મળ્યા બાદ CBIની ટીમ શનિવાર મોડી સાંજે તમામને લઇને રવાના થઇ હતી. આજે તમામ ગુજરાત પહોંચી ચૂક્યા છે. આ દરમિયાન જો આરોપીઓને કેટલાક દિવસ રોકાવું પડે તો ગાંધીનગરની જેલમાં જ રાખવામાં આવશે. કોર્ટે પોતાના આદેશમાં આ વાતનો ઉલ્લેખ કર્યો છે. મહત્વનું છે કે, CBI હાલ આ કેસની તપાસ કરી રહી છે અને સત્ય શું છે તે બહાર લાવવાનો પ્રયાસ કરી રહી છે.