તમારા કામનું / ડ્રાઇવિંગ કરતી વખતે ગૂગલ મેપનો ઉપયોગ કરતા હોય તો આ વાતનું રાખ ખાસ ધ્યાન, નહીંતર ભોગવવો પડશે દંડ

• ગૂગલ મેપ માટે મોબાઈલ હોલ્ડર હોવુ ફરજિયાત
• વાહનમાં મોબાઈલ હોલ્ડર નહીં હોય તો થશે દંડ
• પાંચ હજાર સુધી થઈ શકે છે દંડ 

ગૂગલ મેપનો ઉપયોગ ખિસ્સા માટે જોખમી

આજનાં સમયમાં કોઈને રસ્તો પૂછવાને બદલે લોકો નેવિગેશન દ્વારા પોતાના સ્થળે પહોચવાનું વધારે પસંદ કરે છે. જેનાં લીધે ગૂગલ મેપનો ઉપયોગ વધી રહ્યો છે. પણ જો તમે ડ્રાઇવિંગ કરતી વખતે મોબાઈલને હાથમાં લઈને ગૂગલ મેપનો ઉપયોગ કરતા હશો તો તે તમારા ખિસ્સામાં જોખમી નીવડી શકે છે.

ગૂગલ મેપનો ઉપયોગથી અમુક નુક્સાન પણ છે

સામાન્યરીતે લોકો ડ્રાઇવિંગ દરમિયાન ગૂગલ મેપનું નેવિગેશન ઓન કરી લેતા હોય છે. જેનાં દ્વારા તમને રુટનો ખ્યાલ આવી જાય છે અને જો ક્યાંય ટ્રાફિક જામ લાગી ગયો હોય તો તેની પણ માહિતી તમને પહેલાજ મળી જાય છે. જેથી સમયસર તમે બીજો રસ્તો અપનાવી શકો છો. આ બધાં તો ગૂગલ મેપનાં ફાયદા છે પણ તેનાં અમુક નુક્સાન પણ છે. તમે તમારી ગાડીમાં ડેશ બોર્ડ પર મોબાઈલ હોલ્ડર નથી લગાવડાવ્યું અને હાથમાં મોબાઈલ લઈને ગૂગલ મેપનો ઉપયોગ કરી રહ્યાં છો તો 5 હજાર સુધીનો દંડ થઈ શકે છે. 

દિલ્હીમાં એક વ્યક્તિને દંડ કરાયો

હાલમાંજ દિલ્હીમાં એક વ્યક્તિને પોલીસે દંડીત કર્યો. કાર ચાલકે તર્ક આપ્યું કે તે કોઈ સાથે વાત નહોતો કરી રહ્યો તેમ છતાં તેને કેમ દંડ કરવામાં આવ્યો. દિલ્હી પોલીસે જણાવ્યુ કે મોબાઈલ હોલ્ડર વગર ડેશબોર્ડ કે હાથમાં ફોન પકડીને ગૂગલ મેપનો ઉપયોગ કરવો એ ટ્રાફિક નિયમની વિરુદ્ધ છે. કેમકે આવુ કરવાથી ડ્રાઇવરનું ધ્યાન ભંગ થઈ શકે છે અને આ જોખમનાં લીધે તેને બેદરકારીથી ડ્રાઇવિંગ કરવાની શ્રેણીમાં સમાવવામાં આવે છે.

મોબાઈલ હોલ્ડર હશે તો દંડ નહીં થાય

જો તમે ડ્રાઈવિંગ દરમિયાન ગૂગલ મેપનો ઉપયોગ કરો છો તો તેના માટે તમારે વાહનમાં મોબાઈલ હોલ્ડર ફિટ કરાવવું પડશે. મોબાઈલ હોલ્ડરમાં ફોન લગાવીને ગૂગલ મેપનો ઉપયોગ કરવાને નિયમનો ઉલ્લંઘન કરવું નથી ગણાતું. મોબાઈલ હોલ્ડર બાઇકમાં 200 રુપિયા સુધી અને કારમાં 1 હજાર સુધીમાં લાગી જાય છે. જો તમે સમયસર મોબાઈલ હોલ્ડરને ફિટ કરાવી લેશો તો 1 હજાર રુપિયાનો ખર્ચ કરીને 5 હજાર રુપિયાનાં દંડથી બચી શકશો.