અમેરિકામાં રાષ્ટ્રપતિ ડોનાલ્ડ ટ્રમ્પ વિરુદ્ધ મહાભિયોગની કાર્યવાહી હવે સેનેટમાં હાથ ધરાશે. સેનેટમાં કાર્યવાહી મોકલવા માટેના પત્રમાં સાંસદોએ મતદાન કર્યું હતું. ટ્રમ્પ પર સત્તાના દુરુપયોગ અને સંસદના કામમાં અડચણ ઉભી કરવાના આરોપમાં ટ્રમ્પ વિરુદ્ધ મહાભિયોગ હવે સેનેટમાં ચાલશે. સેનેટમાં મહાભિયોગની કાર્યવાહી 21 જાન્યુઆરીથી શરૂ થઈ શકે છે.
ડોનાલ્ડ ટ્રમ્પને ઝટકો, સેનેટમાં ચાલશે મહાભિયોગ
21 જાન્યુઆરીથી કાર્યવાહી, સાંસદોએ કર્યું મતદાન
સત્તાના દુરુપયોગ અને સંસદ કાર્યમાં અડચણનો આક્ષેપ
ટ્રમ્પ વિરુદ્ધ મહાભિયોગની કાર્યવાહી સેનેટમાં ચલાવવા માટે પક્ષમાં 228 સાંસદ જ્યારે વિરોધમાં 193 સાંસદોએ વોટ આપ્યો હતો. નીચલા ગૃહે 7 મહાભિયોગ પ્રબંધકોની નિમણૂક કરી છે. જે ડેમોક્રેટ્સ તરફથી ટ્રમ્પને રાષ્ટ્રપતિ પદથી હટાવવા માટે ચર્ચા કરશે. ગૃહે 18 ડિસેમ્બરે ટ્રમ્પ વિરુદ્ધ મહાભિયોગ ચલાવવા માટે મંજૂરી આપી હતી. અમેરિકાના 45મા રાષ્ટ્રપતિ ડોનાલ્ડ ટ્રમ્પ દેશના ઈતિહાસના ત્રીજા એવા રાષ્ટ્રપતિ છે જેમની વિરુદ્ધ મહાભિયોગને મંજૂરી મળી છે.
Majority of House votes to send US President Donald Trump's impeachment charges to Senate and approve seven House Democrats to prosecute the case: Reuters (File pic) pic.twitter.com/C91RRHWUj6
સીનેટમાં રિપબ્લિક સાંસદોનું નિયંત્રણ છે. આ સમયે સંભાવના ઓછી છે કે ટ્રમ્પને રાષ્ટ્રપતિ પદથી હટાવી શકાય. ઉલ્લેખનીય છે કે ટ્રમ્પની સત્તા હાલમાં સુરક્ષિત રહેશે કારણ કે મહાભિયોગની પ્રક્રિયા નીચલા સદનમાં પૂરી થયા બાદ પણ રિપબ્લિકન બહુમતીની સીનેટમાંથી પસાર થવું મુશ્કેલ છે. ટ્રમ્પ એક જ શરતે હટી શકે છે જ્યારે ઓછામાં ઓછા 20 રિપબ્લિકન સાંસદ તેમની વિરુદ્ધમાં હોય. જો કે આવું થવાની શક્યતા ઘણી ઓછી છે.
ટ્રમ્પ પર લાગ્યા છે આ આરોપ
ટ્રમ્પ પર આરોપ છે કે તેઓએ 2020ના રાષ્ટ્રપતિ ચૂંટણીમાં સંભવિત પ્રતિદ્વંદીઓ જે બિડેન અને તેમના દીકરાની વિરુદ્ધમાં ભ્રષ્ટાચારની તપાસ માટે યૂક્રેન સરકાર પર દબાણ કર્યું છે. બિડેનના દીકરા યુક્રેનની એક વીજળી કંપનીમાં મોટા અધિકારી છે. ટ્રમ્પ અને યુક્રેનના રાષ્ટ્રપતિ વોલોડીમિર જેલેસ્કીની વચ્ચે થયેલી વાતચીત મુખ્ય સાબિતી છે.
ચૂંટણી પહેલાં ટ્રમ્પની ઈમેજને નુકસાન કરવાનો હેતુ
વ્હાઈટ હાઉસે આશા રાખી છે કે ડોનાલ્ડ ટ્રમ્પ મહાભિયોગની પ્રક્રિયા સરળતાથી પસાર કરી લેશે. ચીનની સાથે મંગળવારે ટ્રેડ ડીલ સાઈન કરતી સમયે ટ્રમ્પે આ મહાભિયોગને ફક્ત અફવા ગણાવી હતી. આ સાથે તેઓએ કહ્યું હતું કે આની કોઈ અસર થશે નહીં. પરંતુ મળતી માહિતી અનુસાર આ ચૂંટણી પહેલાં ટ્રમ્પની રાજકીય ઈમેજને નુકસાન કરવાનો હેતુ છે.