કરાર / ભારતના ત્રણ મિત્ર દેશોએ ભેગા થઈને કર્યુ એવું કે ચીનના પરસેવા છૂટી ગયા, કહ્યું આ તો કૉલ્ડ વૉર...

• અમેરિકા ચીન અને બ્રિટને રક્ષા ગઠબંધન ઓક્સ પર કર્યો કરાર 
• ત્રણેય દેશોએ બેગા મળી રક્ષા ગઠબંધન ઓક્સ પર કરાર કર્યો 
• ચીને આ કરારને ગેરજવાબદારી ભર્યુ પગલું ગણાવ્યું 

અમેરિકા , બ્રિટેન અને ઓસ્ટ્રેલિયા દ્વારા એવું ચક્રવ્યૂહ રચવામાં આવ્યું છે, કે જેના કારણે ચીનના પરસેવા છૂટી ગયા છે. ત્રણેય દેશોએ ભેગા મળીને ત્રિપક્ષીય રક્ષા ગઠબંધન ઓક્સ પર કરાર કર્યા છે. જોકે સમગ્ર મામલે ચીને આ મુદ્દે ગેરજવાબદાર પગલુ ગણાવ્યું છે સાથેજ તેણે એવું કહ્યું છે આના કારણે વિવાદ વધું વકરી શકે છે. 

અમેરિકા ઓસ્ટ્રેલિયાની મદદ કરશે 

આ ગઠબંધન દ્વારા અમેરિકા, ન્યૂક્લિર બનાવામાં ઓસ્ટ્રેલિયાની મદદ કરશે. દક્ષિણ ચીન સાગરમાં ચીનની  વધતી દાદાગીરીને ઓછી કરવા માટે આ મહત્વનો નિર્ણય લેવામાં આવ્યો છે. જેના કારણે ચીનને આ વાત ઘણી ખટકી રહી છે. 

જો બાઈડને આ કરારની જાહેરાત કરી  

ગત બુધવારે અમેરિકાના રાષ્ટ્રપતિ જો બાઈડને અમેરિકા, બ્રિટેન અને ઓસ્ટ્રેલિયાના આ નવા રક્ષા ગઠબંઘનની જાહેરાત કરી હતી. ત્યારે ચીનના પરસેવા છૂટી ગયા છે. ચીન દ્વારા આ પગલાને ગેરજવાબદારી ભર્યું પગલું ગણાવામાં આવ્યું છે. 

ઓસ્ટ્રેલિયાના વડાપ્રધાને આપ્યુ મોટુ નિવેદન 

જોકે સમગ્ર મામલે ઓસ્ટ્રેલિયાના વડાપ્રધાન સ્કૉટ મોરિસને કહ્યું કે જે રીતે ચીન તેમના દેશની રક્ષા વ્યવસ્થાને લઈને નિર્ણય લે છે. તેજ રીતે અન્ય દેશોને પણ નિર્ણય લેવાનો હક છે. સાથેજ તેમણે કહ્યું કે હિંગ મહાસાગરમાં હવે પરિસ્થિતીઓ બદલાઈ રહી છે. જેને ધ્યાનમાં રાખીને આ રક્ષા ગઠબંધન કરવામાં આવ્યું છે. 

પરમાણું સબમરિનોનો કાફલો બનશે 

ઉલ્લેખનીય છે કે ઓક્સ ગઠબંધનને કારણે અમેરિકા અને બ્રિટેનની મદદ લઈને ઓસ્ટ્રેલિયા પરમાણું સંચાલિત સબમરિનોનો એક કાફલો બનાવશે. જે ચીન માટે ખતરા સમાન છે. આજ કારણોસર તે જુદા જુદા નિવેદનો આપીને દબાવ વધારી રહ્યું છે.