રાજકોટ / શરમજનક ઘટના! ઉપલેટામાં સગા બાપે દીકરીની જાહેરમાં ઘાતકી હત્યા કરતા સમગ્ર પંથકમાં ખળભળાટ, જાણો સમગ્ર મામલો

• ઉપલેટા ઓનર કિલિંગ કેસમાં પોલીસની કાર્યવાહી
• ફરાર પિતા-ભાઈમાંથી પિતાની અટકાયત
• જાહેરમાં યુવતી અને તેના પતિની હત્યા કરી હતી

ઉપલેટામાં ઓનર કિલિંગ બાદ પોલીસની કાર્યવાહી

રાજ્યમાં  સરાજાહેર હત્યાના બનાવો વધી રહ્યા છે. એક પણ દિવસ એવો હોતો નથી કે કોઇ હત્યાનો બનાવ ન બન્યો હોય. ત્યારે ગત રોજ રાજકોટના ઉપલેટામાં ડબલ મર્ડરની ઘટના સામે આવી હતી. જે મામલે પોલીસ એક્શનમાં આવી છે. અને યુવતીના પિતા સોમનજી સિંગરખિરયાની ઉપલેટા પોલીસે ધરપકડ કરી છે. જ્યારે હત્યાનો મુખ્ય આરોપી સુનિલ સિંગરખિયાને ઝડપી પાડવા માટે પોલીસે ચક્રો ગતિમાન કર્યા છે.

યુવતીના પિતાની કરાઈ ધરપકડ

ઉલ્લેખનીય છે કે, ગઈકાલે રાજકોટના ઉપલેટામાં કુંભરવાડાના નાકે ડબલ મર્ડરની ઘટના બની. કુંભારવાડા નાકે જાહેરમાં યુવક અને યુવતી પર તીક્ષ્ણ હથિયારના ઝીંકીને  હુમલાખોરો  ફરાર થઇ ગયા.બંને યુવક અને યુવતીનું ઘટના સ્થળે જ મોત નીપજ્યુ  છે. ઘટનાની જાણ થતા જ પોલીસ તાત્કાલિક પહોંચી હતી.  હાલમાં મૃતદેહો કબ્જે કરીને વધુ કાર્યવાહી હાથ ધરવામાં આવી છે. તપાસમાં સામે આવ્યુ છે કે હત્યા કરનાર શખ્સ બીજુ કોઇ નહી પરંતુ યુવતીનો ભાઇ જ હતો. ઘટનાની અંજામ આપ્યા બાદ આરોપીઓ ભાગી ગયાં હતાં. 

ફરાર ભાઈની શોધખોળ યથાવત

જે બાદ ઉપલેટા પોલીસે આરોપીઓને ઝડપી પાડવા પોલીસની કાર્યવાહી વધુ ઝડપી બનાવી હતી.આજે પોલીસે યુવતીના પિતાની ધરપકડ કરવામાં આવી છે. મહત્વનું છે કે, યુવતીના પિતા અને ભાઈએ જ કરી હતી યુવતી અને તેના પતિની હત્યા કરી છે.  પોલીસ હાલ ફરાર ભાઈની શોધખોળ વધુ તેજ બનાવ્યું છે.