ઉત્તરપ્રદેશમાં એક વિચિત્ર ઘટના પ્રકાશમાં આવી છે. અહીંની એક સરકારી શાળામાં એક જ શિક્ષક અલગ અલગ જિલ્લાની 25 શાળાઓમાં નોકરી કરી રહ્યા હતા. છેલ્લા એક વર્ષમાં પગાર તરીકે તેમણે અધધ 1 કરોડ રૂપિયા પગાર તરીકે મેળવ્યા છે.
ઉત્તરપ્રદેશમાં કસ્તુરબા ગાંધી બાલિકા વિદ્યાલયમાં કાર્યરત એક શિક્ષક અલગ અલગ જિલ્લાની 25 શાળાઓમાં નોકરી કરી રહ્યા હતા. છેલ્લા એક વર્ષમાં પગાર તરીકે તેમણે અધધ 1 કરોડ રૂપિયા પગાર તરીકે મેળવ્યા છે. આ ઘટના બહાર આવતા અધિકારીઓએ શિક્ષકનો ડેટાબેઝ તપાસ્યો હતો. તેની સામે ફરિયાદ નોંધવામાં આવી છે.
અત્યારે UP શિક્ષકોનો ડિજિટલ ડેટાબેઝ બનાવવામાં આવે છે જેમાં જાણવા મળ્યું કે એક શિક્ષક પુરી 25 શાળાઓમાં નોકરી કરીને પગાર લઇ રહ્યા છે. અનામિકા શુકલા KBGV શાળામાં શિક્ષક તરીકે ફરજ બજાવી રહ્યા હતા. તેઓ આસાથે અમેઠી, આંબેડકરનગર, રાયબરેલી, પ્રયાગરાજ, અલીગઢ જેવા જિલ્લાઓની અલગ અલગ 25 શાળાઓમાં શિક્ષક તરીકે નોંધાયેલા હતા. આમ તેમણે આ વર્ષના ફેબ્રુઆરી સુધી 13 મહિનામાં શિક્ષણ ખાતા પાસેથી 1 કરોડ જેટલો પગાર લઇ લીધો હતો.
શિક્ષક સામે કડક પગલાં ભરવામાં આવશે: UPના શિક્ષણ મંત્રી
અનામિકા મેનપુરી જિલ્લાના છે. આ અંગે ડિપાર્ટમેન્ટે અરજી પાઠવી છે જેનો શિક્ષકે કોઈ જવાબ વાળ્યો નથી. તેમનો પગાર તાત્કાલિક અસરોથી પાછો ખેંચી લેવામાં આવ્યો છે અને તેમના બેન્ક એકાઉન્ટને પણ ટ્રેક કરવામાં આવી રહ્યું છે. UPના શિક્ષણ મંત્રી ડો સતીશ દ્વિવેદીએ કહ્યું છે કે જો આ આક્ષેપો પુરવાર થશે તો શિક્ષક સામે કડક પગલાં ભરવામાં આવશે. આ માટે જ ડિજિટલ ડેટાબેઝ બનાવવામાં આવ્યો છે જેથી શિક્ષકોની પારદર્શકતા જળવાયેલી રહે. આ શાળાઓમાં કોન્ટ્રાકટ બેઝ ભરતી કરવામાં આવે છે. આ અંગે થયેલા ગોટાળાની સઘન તપાસ કરવામાં આવશે.