BIG BREAKING / UPમાં મોટી દુર્ઘટના: એક્સપ્રેસ વે પરથી ખાનગી બસ નીચે પડતા 3નાં મોત, 18 ઘાયલ

• ઉત્તર પ્રદેશના કન્નૌજ બસ દુર્ઘટના
• અકસ્માતમાં 3 લોકોના મોત થયા છે
• ઘાયલોમાં 5 લોકોની હાલત ગંભીર

ઉત્તર પ્રદેશના કન્નૌજ બસ દુર્ઘટનામાં એક મોટો રોડ અકસ્માત થયો છે. અહીં એક બસ અકસ્માતનો શિકાર બની છે. આ અકસ્માતમાં 3 લોકોના મોત થયા છે, જ્યારે 18 મુસાફરો ઘાયલ થયા છે. ઘાયલોમાં 5 લોકોની હાલત ગંભીર છે. આ ઘટના રવિવાર રાતની છે. ઘટના બાદ પોલીસ ઘટનાસ્થળે પહોંચી હતી અને રાહત અને બચાવ કામગીરી કરી હતી. હાલ અકસ્માતના કારણની તપાસ કરવામાં આવી રહી છે.

40 મુસાફર સવાર હતા
મળતી માહિતી મુજબ એક ખાનગી સ્લીપર બસ દિલ્હીથી લખનૌ તરફ જઈ રહી હતી. આ દરમિયાન થથિયા પોલીસ સ્ટેશન વિસ્તારના પીપરૌલી ગામ પાસે બસને અકસ્માત નડ્યો હતો. બસમાં કુલ 40 લોકો સવાર હતા.

બસ પનો કાબુ ગુમાવ્યો હતો
જણાવવામાં આવી રહ્યું છે કે સ્પીડ વધુ હોવાને કારણે બસે નિયંત્રણ ગુમાવ્યું અને એક્સપ્રેસ વે પરથી નીચે પડી. ઘટના સ્થળે અફરાતફરી મચી ગઈ હતી. બસમાં લગભગ 40 મુસાફરો હતા અને માહિતી મળતાં પોલીસ અને યુપીડીએની ટીમે બચાવ અને રાહતનું કામ કર્યું હતું.