- ગેંગસ્ટર અતિક અહેમદને લઈ UP પોલીસ સાબરમતી જેલથી રવાના
- અતિક અહેમદને લઈ ઉત્તરપ્રદેશ પોલીસ પ્રયાગરાજ જવા રવાના
- DCPના નેતૃત્વમાં 45 પોલીસકર્મીઓ અતિકને લઈ રવાના
ગેંગસ્ટર અતિક અહેમદને UP પોલીસ સાબરમતી જેલથી લઈ રવાના થઈ છે. તમને જણાવી દઈએ કે, ઉમેશપાલ હત્યા કેસમાં અતિક અહેમદ અને તેનો ભાઈ અશરફ આરોપી છે. અતિક અહેમદ ગુજરાતની સાબરમતી જેલમાં બંધ હતો, જ્યારે અશરફ બરેલીની જેલમાં બંધ છે. ત્યારે આ કેસ મામલે ઉત્તર પ્રદેશની પોલીસ અમદાવાદ પહોંચી આવી હતી. અમદાવાદની સાબરમતી જેલથી અતિક અહેમદને UP લઈ જવા 45 પોલીસ જવાનોની ટીમ આવી હતી
28 માર્ચના રોજ UP પોલીસ અતિકને કોર્ટમાં કરશે રજૂ
અતિક અહેમદને UP પોલીસ સાબરમતી જેલથી લઈ રવાના થઈ છે. તેને ઉત્તરપ્રદેશ પોલીસ પ્રયાગરાજ જવા માટે રવાના થઈ છે. DCPના નેતૃત્વમાં 45 પોલીસકર્મીઓ અતિકને લઈ રવાના થયાં છે. 28 માર્ચના રોજ UP પોલીસ અતિકને કોર્ટમાં રજૂ કરવાના છે. ઉમેશ પાલના કેસમાં ઉત્તર પ્રદેશ પોલીસે અતિકનો કબજો મેળવ્યો હતો. અતિકને 6 ગાડીઓના કાફલા સાથે બાય રોડ UP લઈ જવામાં આવી રહ્યો છે. જોકે, ગેંગસ્ટર અતિક સાબરમતી જેલમાંથી બહાર નીકળવા માંગતો ન હતો, તેને પોલીસ એન્કાઉન્ટરનો ભય સતાવી રહ્યો હોવાથી આનાકાની કરી રહ્યો હતો. કોર્ટના આદેશ બાદ પણ અતિક ઉત્તરપ્રદેશ જવા માટે આનાકાની કરી રહ્યો હતો.
પ્રયાગરાજની નૈની જેલમાં રખાશે: સૂત્ર
સૂત્રો પાપ્ત વિગતો મુજબ તેને પ્રયાગરાજની નૈની જેલમાં લઈ જવામાં આવશે. નૈની જેલમાં પોલીસ અધિકારીઓ અને જેલ તંત્રને પહેલાથી એલર્ટ કરવામાં આવ્યા છે. ત્યાર જેલનો વહીવટી તંત્ર પણ પહેલેથી જ એલર્ટ થઈ ગયો છે. વિગતો છે કે, અતીક અહમદ માટે નૈની જેલનો એક બેરેક પણ ખાલી કરવામાં આવ્યો છે. માફિયા ડોન અતીક અહમદને જે બેરેકમાં રાખવાનો છે તેની સુરક્ષા પણ વધારી દેવામાં આવી છે. જે દરમિયાન સીસીટીવી કેમેરોથી તેના પર ચાંપતી નજર રાખવામાં આવશે. સૂત્રો પાપ્ત વિગતો મુજબ અતિકને હમણા એકલો જ રાખવામાં આવશે
અતિકે સુપ્રીમ કોર્ટમાં કરી હતી અરજી
ઉમેશપાલ હત્યાકાંડ મામલે અતિક અહેમદે પોતાની સુરક્ષાને લઈને સુપ્રીમ કોર્ટનો દરવાજો ખટખટાવ્યો હતો. અતિક અહેમદે સુપ્રીમમાં અરજી કરીને કહ્યું હતું કે, 'યુપીમાં દાખલ કેસની સુનાવણી માટે તેને ગુજરાતથી બહાર ન લઈ જવામાં આવે, તેના જીવને જોખમ છે.' અહેમદના વકીલ હનીફ ખાને સુપ્રીમ કોર્ટમાં આ અંગેની અરજી દાખલ કરી હતી. તેમાં અમદાવાદ જેલથી યુપીની જેલમાં ટ્રાન્સફર કરવાનો વિરોધ કરવામાં આવ્યો હતો. અરજીમાં જણાવવામાં આવ્યું હતું કે, યુપી સરકારના કેટલાક મંત્રીઓના નિવેદનથી એવું લાગે છે કે તેનું ફેક એન્કાઉન્ટર થઈ શકે છે.
અતિકની સંપત્તિ જપ્ત કરાઈ
યુપી પોલીસના આંકડાઓ મુજબ અત્યાર સુધીમાં અતીક અહેમદ અને તેના સાથીદોરોની કબજામાંથી 416 કરોડ, 92 લાખ, 46 હજાર રૂપિયાની જમીન મુક્ત કરવામાં આવી. અતીકની 1166 કરોડ, 45 લાખ 42 હજાર રૂપિયાની સંપત્તિ અત્યાર સુધીમાં જપ્ત કરવામાં આવી. અતીકની સંપત્તિ ઉપરાંત તેની પત્ની શાઇસ્તા પરવીન પાસેથી ગેંગસ્ટર એક્ટ હેઠળ 8 કરોડ રૂપિયાની સંપત્તિ જપ્ત કરવામાં આવી. અતીકના ભાઈ અશરફની 27.33 કરોડની સંપત્તિ જપ્ત કરવામાં આવી.
