શરમજનક / પોતાની જ દીકરીઓ સાથે ગંદુ કામ કરતો હતો નરાધમ, 9 દિકરીઓનાં બાપ વિરુદ્ધ નોંધાઈ ફરિયાદ

• ઉત્તર પ્રદેશના બુલંદ શહેરની ઘટના
• પિતા પોતાની દીકરીઓની સાથે કરતો હતો છેડછાડ
• પોલીસે આ મામલે કાર્યવાહી શરૂ કરી

પિતા તેની 9 દીકરીઓ સાથે કરતો હતો છેડછાડ

આવો એક મામલો ઉત્તર પ્રદેશના બુલંદ શહેરમાંથી સામે આવ્યો છે, જ્યાં એક પિતા પોતાની દીકરીઓની સાથે છેડછાડ કરતો હતો. આ મામલે દીકરીઓ દ્વારા આપવામાં આવેલી લેખિત ફરિયાદના આધારે આરોપી અબ્બૂ જાકિર અલીની સામે કેસ નોંધવામાં આવ્યો છે. તો બુલંદશહેર પોલીસે આ મામલે કાર્યવાહી શરૂ કરી દીધી છે. પત્રકાર સચિન ગુપ્તાએ ટ્વિટ કરીને આ મામલે જાણકારી આપી છે. તેણે લખ્યું કે ઉત્તર પ્રદેશના બુલંદ શહેરમાં 45 વર્ષના જાકિર અલીની 9 દીકરીઓ છે. આજે ત્રણ દીકરીઓએ SSPને ફરિયાદ કરી છે. આરોપ લગાવવામાં આવ્યો છે કે પિતા બધી દીકરીઓ સાથે છેડછાડ કરે છે, પ્રાઈવેટ પાર્ટને અડે છે અને તેની સાથે ઉંઘવા માટે દબાણ કરે છે. પોલીસે તપાસ શરૂ કરી છે.

પોલીસે ફરિયાદના આધારે કાર્યવાહી શરૂ કરી

તો સચિન ગુપ્તાના ટ્વિટની નોંધ લઇને બુલંદ શહેર પોલીસે પણ જવાબ આપ્યો છે. પોલીસે પોતાના ટ્વિટમાં લખ્યું, યુવતીઓ દ્વારા પિતા પર લગાવવામાં આવેલા આરોપના સંબંધમાં ફરિયાદના આધારે પોલીસ સ્ટેશનમાં કેસ નોંધી આગળની કાર્યવાહી હાથ ધરી છે. જો કે, પોલીસે આ મામલે માહિતી મેળવી કાર્યવાહી શરૂ કરી છે. તો એક પત્ર વાયરલ થઇ રહ્યો છે, જેમાં ત્રણેય પુત્રીઓએ દાવો કરીને એક ફરિયાદ નોંધવાનો આગ્રહ કર્યો છે.