અનિષ્ટનો અંત / યોગી આદિત્યનાથની ભગવાન શ્રીકૃષ્ણ સાથે તુલના, નીતિન ગડકરીએ કહ્યું 'જબ-જબ અન્યાય હોતા હૈ....'

કેન્દ્રીય પ્રધાન નીતિન ગડકરીએ સોમવારે ઉત્તર પ્રદેશમાં કાયદો અને વ્યવસ્થાની સ્થિતિને નિયંત્રિત કરવા માટે મુખ્ય પ્રધાન યોગી આદિત્યનાથની પ્રશંસા કરી અને તેમની તુલના ભગવાન કૃષ્ણ સાથે કરી. કેન્દ્રીય ધોરીમાર્ગ મંત્રી ગડકરીએ રાજ્યમાં એક એક્સપ્રેસવે નેટવર્ક બનાવવાના તેમના ઈરાદાને પુનરોચ્ચાર કર્યો હતો જેથી કરીને યુ.એસ.ના રસ્તાઓ સમાન રસ્તાઓ બનાવી શકાય. મહોબામાં રૂ. 10,000 કરોડના મૂલ્યના વિવિધ રાષ્ટ્રીય ધોરીમાર્ગ પ્રોજેક્ટનો શિલાન્યાસ અને ઉદ્ઘાટન કર્યા પછી કેન્દ્રીય મંત્રીએ કહ્યું, મુખ્યમંત્રી યોગી આદિત્યનાથે સમાજમાં પ્રચલિત દુષ્ટ પ્રથાઓ અને ખતરનાક વલણોથી લોકોને બચાવવા માટે કડક પગલાં લીધા છે.દેશના લોકો વતી અને મારી અંગત ક્ષમતામાં તેમના દ્વારા લેવામાં આવેલા પગલાં માટે હું તેમને અભિનંદન આપું છું.

जब-जब अन्याय होता है, तब-तब भगवान का जन्म होता है। ठीक वैसे ही आज उत्तर प्रदेश में योगी जी समाज के लिए खतरा बने लोगों के लिए आए हैं: केंद्रीय मंत्री श्री @nitin_gadkari pic.twitter.com/np77bWeo08

— BJP Uttar Pradesh (@BJP4UP) March 13, 2023

તેણે મહાકાવ્ય ભગવદ્ ગીતા વિશે કહ્યું જેમાં ભગવાને કહ્યું છે કે જ્યારે પણ અન્યાય થશે, ત્યારે તે અવતાર લેશે અને અનિષ્ટનો અંત લાવશે. મંચ પર હાજર મુખ્યમંત્રી આદિત્યનાથને સંબોધતા ગડકરીએ કહ્યું કે કહ્યું કે મારી પત્નીએ મને કહ્યું કે, 'UPમાં આ શું થઇ રહ્યું છે? તો મે વિગત જણાવતા પત્નીએ મને કહ્યું , 'જેમ ભગવાન કૃષ્ણએ કર્યું હતું. સમાજ માટે ખતરનાક એવા આવા લોકો સામે તેમણે કડક પગલાં લીધાં છે.' નોંધનીય છે કે ઉત્તર પ્રદેશમાં ગુનાઓને ડામવા માટે કડક કાર્યવાહી અને માફિયાઓ અને ગેરરીતિ કરનારાઓની ગેરકાયદેસર મિલકતોને બુલડોઝર વડે તોડી નાખવાના સમાચાર અવારનવાર આવતા રહે છે. આ અંગેના કડક પગલાંને કારણે આદિત્યનાથને 'બુલડોઝર બાબા'નું હુલામણું નામ મળ્યું છે. ગોરખપુર મુખ્યમંત્રી આદિત્યનાથની કર્મભૂમિ રહી છે. તેઓ ત્યાંથી ઘણી વખત લોકસભામાં ચૂંટાયા છે અને હાલમાં ગોરખપુર શહેરી મતવિસ્તારમાંથી ધારાસભ્ય છે.