સૂચના / હવેથી UPની જેલમાં નહીં થાય કેદીઓની ભીડ, યોગી આદિત્યનાથે બનાવ્યો એક્શન પ્લાન, આપ્યા આ આદેશ

• જેલમાં કેદીઓની ભીડ ઓછી કરવા યોગીનો નવો પ્લાન
• યોગીએ આપ્યા નવી બેરેક બનાવવાના આદેશ
• ઉત્તર પ્રદેશમાં હાલ 73 જેલો ઉપલબ્ધ છે

ઉત્તર પ્રદેશના મુખ્યમંત્રી યોગી આદિત્યનાથે રાજ્યની જેલોમાં કેદીઓની ક્ષમતા કરતા વધારે સંખ્યાની સમસ્યાને પહોંચી વળવા નવી જેલોના નિર્માણ સહિત જૂની જેલોમાં નવી બેરેક બનાવવાનો આદેશ આપી દીધો છે. રાજ્ય સરકારના એક પ્રવક્તાએ જણાવ્યું કે, મુખ્યમંત્રીએ મંત્રીપરિષદ સમક્ષ ગૃહ, જેલ, હોમગાર્ડઝ, સચિવાલય વહીવટીતંત્ર અને નિમણૂંક અને કર્મચારી વિભાગોની કાર્ય યોજનાની રજૂઆત બાદ નિર્દેશ આપતા જણાવ્યું કે, 'જેલોમાં કેદીઓની ક્ષમતા કરતાં વધારે સંખ્યાની સમસ્યાના નિરાકરણ માટે જૂની જેલોમાં નવી બેરેક બનાવવાનું નિર્માણ કરવામાં આવે.

તેઓએ કહ્યું કે, અમરોહા, સંભલ, શામલી અને મુઝફ્ફરનગરમાં જિલ્લા જેલોના નિર્માણ માટે જમીન ખરીદવામાં આવે. મુખ્યમંત્રીએ કહ્યું કે અમેઠી, હાથરસ, ઔરેયા, હાપુડ, ચંદૌલી, ભદોહી, અમરોહા, સંભલ, કુશીનગર, મહોબામાં જિલ્લા જેલોના નિર્માણની પ્રક્રિયા શરૂ થવી જોઈએ.

યુપીમાં હાલ 73 જેલો ઉપલબ્ધ

તમને જણાવી દઇએ કે, હાલમાં રાજ્યમાં 73 જેલ આવેલી છે. નેશનલ ક્રાઈમ રેકોર્ડ બ્યુરોના તાજેતરના અહેવાલ મુજબ, ઉત્તર પ્રદેશની જેલોમાં સરેરાશ 177 કેદીઓ છે, જ્યારે રાષ્ટ્રીય સરેરાશ 118 છે. મુખ્યમંત્રીએ એમ પણ કહ્યું કે, રાજ્યમાં કેદીઓને સમય પહેલાં મુક્ત કરવા અંગેની વર્તમાન નીતિમાં સંશોધનની જરૂરિયાત છે. તેને આગામી 100 દિવસમાં કરી લેવું જોઈએ.

યોગી આદિત્યનાથે એ પણ સૂચના આપી હતી કે, જેલની સુરક્ષા માટે મહત્તમ ટેક્નોલોજીનો ઉપયોગ કરવામાં આવે. તેઓએ કહ્યું કે, સો દિવસમાં સાત વિડિયો કોન્ફરન્સિંગ એકમો ફરીથી સ્થાપિત કરવામાં આવે અને જેલના મુખ્યાલયમાં મલ્ટિ-કોન્ફરન્સ યુનિટની સ્થાપના કરવી જોઈએ.

ચલણની રકમ સ્થળ પર જ જમા કરાવવાની સુવિધા આપવી જોઇએ - CM યોગી

યોગીએ રાજ્યમાં અન્ય એક એવો પણ નિર્દેશ આપ્યો હતો કે, ટ્રાફિક નિયમોના ઉલ્લંઘન માટે દંડ તરીકે ચલનની નિયત રકમ સ્થળ પર જ જમા કરાવવાની સુવિધા આપવી જોઈએ અને ડેબિટ/ક્રેડિટ કાર્ડ દ્વારા પણ ચુકવણીની વ્યવસ્થા કરવામાં આવે. તેમણે મેરઠમાં કોટવાલ ધન સિંહ ગુર્જર સ્ટેટ ઑફ આર્ટ પોલીસ ટ્રેનિંગ સ્કૂલની સ્થાપના સુનિશ્ચિત કરવાનો પણ નિર્દેશ આપ્યો હતો.