- વિધાનસભા ફરી ખંડિત
- MLA આશાબેનનું નિધન થતાં બેઠક પડી ખાલી
- જુઓ ક્યારે વિધાનસભામાં સંખ્યાબળ ખૂંટયું
ગુજરાત વિધાનસભામાં 182નો આંકડો અપશુકનિયાળ ગણાય છે. તેનું કારણ છે કે વિધાનસભામાં 182 ધારાસભ્યો ચૂંટાયા બાદ 5 વર્ષ સુધી વિધાનસભામાં 182નો આંકડો જળવાયેલો રહેતો નથી. ભૂતકાળમાં એવા ઘણા બનાવો બન્યાં છે, જેમાં કોઇ ધારાસભ્યએ રાજીનામું આપવાથી અથવા તો કોઇ ધારાસભ્યના નિધનને કારણે 182નો આંકડો ખંડિત થઈ ચૂક્યો છે. વિધાનસભામાં ખાલી રહેતી બેઠકોને અપશુકન તરીકે જોવાય છે, નવા મુખ્યમંત્રી ભૂપેન્દ્ર પટેલે પણ ખંડિત વિધાનસભામાં શપથ લીધા હતા. તે વખતે મોરવા હડફની સીટ પર પેટા ચૂંટણી બાદ દ્વારકા વિધાનસભાની સીટ ખાલી હતી.
હાલ 180 બેઠક જ ભરેલી
હાલ પણ 182 બેઠકોમાંથી 2 બેઠકો ખાલી છે.1 ) ઊંઝા આશાબેન પટેલ (નિધન) 2) દ્વારકા બેઠક ખાલી ( પબુભા વિરમભા માણેકને હાઈકોર્ટે ધારાસભ્ય પદ પરથી ગેરલાયક ઠેરવાયા છે. પરિણામે આ બેઠક પર હજુ સુધી પેટાચૂંટણી ન થતાં આ બેઠક પણ હજુ ખાલી છે.)
આશાબેનનું નિધન થતાં ઊંઝા બેઠક ખાલી પડી
ભાજપના ધારાસભ્ય આશાબેન પટેલનું અમદાવાદમાં દુ:ખદ થયું છે, ડેન્ગ્યુ બાદ તેઓ ઝાયડસ હોસ્પિટલમાં દાખલ હતા અને રવિવારે અંતિમ શ્વાસ લીધા છે. આશાબેનના પાર્થિવ દેહને ઊંઝા એપીએમસી ખાતે લઈ જવામાં આયો હતો જ્યાં ત્યાં તેમની અંતિમ દર્શન કરવા દેવામાં આવ્યા હતા, જે બાદ અંતિમ સંસ્કાર તેમના વતનમાં કરવામાં આવશે નોંધનીય છે કે આશાબેન પટેલ પાટીદાર સમાજનાબાહોશ અને બહાદુર નેતા અને કાર્યકર હતા. જેની ખોટ સમાજની સાથે ભારતીય જનતા પાર્ટીને પણ પડી છે.
ક્યારે ક્યારે વિધાનસભાની બેઠક ખાલી પડી?
- 2012થી 2016 સુધીમાં પણ અનેક વખત સીટો ખાલી રહી
- 2012-2013માં વિધાનસભાની કોંગ્રેસની 4 સીટો ખાલી થઈ હતી.
- મોરવા હડફના ધારાસભ્ય સવિતા ખંતનું ડિસેમ્બર 2012માં નિધન થયું હતું,
- લીંબડી બેઠક પરથી સોમા ગાંડાએ પોતાના પદ પરથી રાજીનામું આપ્યું હતું
- જેતપુરની બેઠકપરથી વિજેતા જયેશ રાદડિયાએ કેસરીયો કર્યો હતો
- તો ધોરાજી બેઠક પરના વિઠ્ઠલ રાદડિયાએ કોંગ્રેસમાંથી રાજીનામું આપી કમળ પકડયું હતું
- 2013માં સુરત પશ્ચિમના MLA કિશોર વાંકાવાલાના નિધન
- 2014માં રાપરમાં ભાજપના ધારાસભ્ય વિજય પટેલનું અવસાન થયું હતું
- લાઠીના ધારાસભ્ય બાવકુ ઉંધાડ, નલિન કોટડિયા, રાજેન્દ્રસિંહ ચાવડા, જશાભાઈ બારડ, છબીલભાઈ પટેલ અને પ્રભુભાઈ વસાવાએ કોંગ્રસ સાથે છેડો ફાડ્યો હતો
- 2014ના અંતમાં લોકસભાની ચૂંટણી બાદ 8 MLA કોંગ્રેસમાંથી ભાજપમાં ગયા હતા. જેમાં ખંભાળિયાના પૂનમ માડમ, આણંદના દિલીપ પટેલ, લિમખેડાના જસવંતસિંહ ભાભોર, ડીસાના લીલાધાર વાઘેલા, માતરના દેવુસિંહ ચૌહાણ, તળાજાના ભારતી શિયાળ, માંગરોળના રાજેશ ચુડાસમા અને ટંકારાના મોહન કુંડરીયાએ પક્ષપલટો કર્યો હતો.
- ઓગસ્ટ 2014માં વજુભાઈ વાળાની કર્ણાટકના ગવર્નર તરીકે નિયુક્તિ કરતાં રાજકોટ પૂર્વ સીટ ખાલી પડી હતી. જે બેઠક પર પૂર્વ સીએમ રૂપાણી જીત્યા હતા
- 2015માં સુરત ચૌર્યાસી વિધાનસભા બેઠકઆન ધારાસભ્ય રાજેન્દ્રભાઈ પટેલનું ડેંગ્યુથી મોત થયું હતું
- 2016માં તલાલા વિધાનસભાના ધારાસભ્ય જશુભાઈ બારડનું નિધન થતા સીટ ખાલી થઈ હતી.
- વર્ષ 2017 ચુંટણી પહેલા વિરમગામ તેજશ્રી પટેલ, જામનગર ગ્રામ્ય રાઘવજી પટેલ, જામનગર હકુભા જાડેજા ભાજપમાં આવ્યા હતા
- વર્ષ 2018-19માં રાજ્યસભાની ચૂંટણી પહેલા કોંગ્રેસના 8 ધારાસભ્યએ ભાજપનો ખેસ પહેર્યો હતો જેમાં મોરબીથી બ્રિજેશ મેરજા, પધયુમન જાડેજા, જેવી કાકડિયા, સહિત અન્ય 5 ધારાસભ્યોએ કોંગ્રેસ છોડ્યું હતું.
