VIDEO / રાજકોટના આકાશમાં વાદળોની અંદર અનોખા પક્ષી જેવી લાઈટો દેખાઈ, લોકોમાં કુતૂહલ

• રાજકોટના અવકાશમાં અનોખી હિલચાલ 
• આકાશમાં અનોખી પક્ષી જેવી લાઇટ જોવા મળી
• આકાશમાં લાઇટથી લોકોમાં કુતુહલ 
• સમગ્ર રાજકોટમાં જોવા મળી અનોખી લાઇટ

એક તરફ હવામાન વિભાગ દ્વારા બિપોરજોય વાવાઝોડાની આગાહી કરવામાં આવી રહી છે. ત્યારે સાંજના સુમારે રાજકોટનાં અવકાશમાં અનોખી હિલચાલ જોવા મળતા સૌ કોઈમાં તે જોવા માટે આશ્ચર્ય સાથે ગેલરી તેમજ ધાબે ચડી ગયા હતા. વીડિયોમાં દેખાય છે તે મુજબ અવકાશમાં વાદળોની વચ્ચે અનોખી ચીજ જોવા મળી રહી છે. જેમાં એક સાથે એક હરોળમાં પક્ષી જેવી લાઈટ જોવા મળી રહી છે. રાજકોટમાં સોશિયલ મીડિયામાં આ વીડિયો વાયરલ થતા લોકોમાં આશ્ચર્ય વ્યાપી જવા પામ્યું હતુ. સમગ્ર રાજકોટમાં આ અનોખી લાઈટ જોવા મળતા લોકો એકબીજાને ફોન કરીને આ અનોખી લાઈટ વિશે અનેક અનુમાનોની ચર્ચા શરૂ કરી દીધી હતી.