ઈકોનોમી / મોદી કેબિનેટનો મોટો નિર્ણય, ભારત-માલદીવ કરારને મંજૂરી આપી, જાણો દેશને શું મળશે મોટા લાભ

• ભારત અને માલદિવ વચ્ચેના જ્યુડિશિયલ કરારને મંજૂરી
• જ્યુડિશિયલ સહયોગના ક્ષેત્રમાં ભારતનો આઠમો કરાર 
• બન્ને દેશની કોર્ટ ડિઝિટલ બનશે
• આઈટી કંપનીઓ અને સ્ટાર્ટ-અપ્સનો વિકાસ થશે 

‎પ્રધાનમંત્રી મોદીની અધ્યક્ષતામાં કેન્દ્રીય મંત્રીમંડળે ભારત અને માલદિવનાં ન્યાયિક સેવા આયોગ વચ્ચે ન્યાયિક સહયોગનાં ક્ષેત્રમાં થયેલા સમજૂતીકરાર (એમઓયુ)ને મંજૂરી આપી છે. ન્યાયિક સહયોગના ક્ષેત્રમાં ભારત અને અન્ય દેશો વચ્ચે આ આઠમો સમજૂતી કરાર છે.‎ 

"In another reaffirmation of our Neighbourhood First policy, today the Cabinet approved signing of an MoU for judicial cooperation between India & Maldives. Will accelerate court digitization and boost prospects for IT companies & start-ups in both countries," tweets the EAM. pic.twitter.com/2kl9SIREtq

— ANI (@ANI) July 20, 2022

કોર્ટનુ ડિઝિટલ થશે,  આઇટી કંપનીઓ અને સ્ટાર્ટ-અપ્સનો વિકાસ 
ભારત અને માલદીવ વચ્ચે થયેલો સમજુતી કરાર કોર્ટનાં ડિજિટાઇઝેશન માટે ઇન્ફોર્મેશન ટેકનોલોજીનાં લાભ મેળવવા પ્લેટફોર્મ પ્રદાન કરશે તથા બંને દેશોમાં આઇટી કંપનીઓ અને સ્ટાર્ટ-અપ્સ માટે સંભવિત વૃદ્ધિનું ક્ષેત્ર બની શકે છે.‎ ‎તાજેતરનાં વર્ષો દરમિયાન ભારત અને માલદીવ વચ્ચેનાં ગાઢ સંબંધો બહુપરિમાણીય રીતે ગાઢ બન્યાં છે. કાયદા અને ન્યાયના ક્ષેત્રમાં સહયોગ પર આ સમજૂતી પર હસ્તાક્ષર થવાની સાથે જ બંને દેશોની વચ્ચે સારા સંબંધોને વધુ ગતિ મળશે. તે બંને દેશો વચ્ચે ન્યાયિક અને અન્ય કાનૂની ક્ષેત્રોમાં જ્ઞાન અને ટેકનોલોજીનું આદાનપ્રદાન કરવાની સાથે-સાથે "પડોશી પ્રથમ" નીતિનાં ઉદ્દેશોને પણ આગળ વધારશે.‎      

 વિદેશમંત્રી એસ જયશંકરે ટ્વિટ કર્યું 
વિદેશમંત્રી એસ જયશંકરે ટ્વિટ કરીને જણાવ્યું કે અમારી પડોશી પહેલો નીતિના પુનઃનિર્ધારણ માટે આજે કેબિનેટની બેઠકમાં ભારત અને માલદીવ  વચ્ચેના જ્યુડિશિયલ સહકારની મંજૂરી આપવામાં આવી છે. બન્ને દેશો માટે કોર્ટનું ડિજિટાઇઝેશન અને આઈટી કંપનીઓ તથા સ્ટાર્ટ-અપ માટે વિકાસની સંભાવના વધશે.