IPLIN
 

Budget 2020 / શું છે બજેટ 2020ની સૌથી મોટી વાતો, નાણામંત્રી સિતારમણે કરી છે આ જાહેરાતો

Team VTV 12:05 PM, 01 Feb 20 | Updated: 01:11 PM, 01 Feb 20
Follow us
union budget 2020 nirmala sitharaman revels Important things

આજે લોકસભામાં નાણામંત્રી નિર્મલા સીતારમણે પોતાના કાર્યકાળનું બીજું બજેટ રજૂ કર્યું છે. આ સમયે તેઓએ પંડિત દીનાનાથ કૌલની કાશ્મીરી કવિતા પણ વાંચી. પહેલાં તો તેઓએ સરકારની સફળતાઓ ગણાવી. આ સાથે જ જાણો નાણામંત્રીએ કઈ મોટી જાહેરાતો કરી છે.

  • નાણામંત્રી નિર્મલા સીતારમણે રજૂ કર્યું બજેટ 2020-21
  • બજેટમાં કરવામાં આવી આ મોટી જાહેરાત
  • નાણામંત્રીએ બજેટમાં આ વાતો પર મૂક્યો ભાર

Taxમાં મધ્યમ વર્ગને મોટી રાહત

5 લાખ રૂપિયા સુધી કોઈ ટેક્સ નહીં. 5થી 7.5 લાખની આવક પર માત્ર 10 % ટેક્સ, 7.5થી 10 લાખની આવક પર 15 % ટેક્સ, 10થી 12.50 લાખની આવક પર 20 % ટેક્સ, નવી કોર્પોરેટ કંપનીઓ પર 15 % કોર્પોરેટ ટેક્સ લેવામાં આવશે. 

જમ્મૂ-કાશ્મીર અને લદ્દાખ માટે અલગ ફંડ 

કાશ્મીરના વિકાસ માટે 30 હજાર 757 કરોડની ફાળવણી કરાઇ છે. જ્યારે લદ્દાખ માટે 5 હજાર 900 કરોડ ફાળવાયા છે. જેનાથી જમ્મૂ-કશ્મીર અને લદ્દાખના વિકાસ વધશે.

ઈન્ફ્રાસ્ટ્રક્ચર

પીએમ કહી ચૂક્યા છે કે ઈન્ફ્રાસ્ટ્રક્ચરમાં 5 વર્ષમાં 100 લાખ કરોડ રૂપિયાનું રોકાણ થશે. હાઉસિંગ, સ્વચ્છ પાણી, હેલ્થકેર, શિક્ષણ સંસ્થા, રેલવે સ્ટેશન, એરપોર્ટ, વેયર હાઉસિંગ, સિંચાઈ જેવા ક્ષેત્રમાં રોકાણ થશે.

રેલવે માટે 550 સ્ટેશનો પર વાઈફાઈ સેવા શરૂ કરાશે

અમદાવાદ- મુંબઇ વચ્ચે વધુ હાઈ સ્પીડ ટ્રેન શરૂ કરવામાં આવશે. તેજસ જેવી નવી ટ્રેન શરૂ કરાશે અને સાથે જ આ નવી ટ્રેનોથી પ્રવાસન સ્થળોને જોડવામાં આવશે. 550 સ્ટેશનો પર વાઈફાઈ સેવા શરૂ કરાશે. 4 રેલ્વે સ્ટેશન અને 140 ટ્રેન પીપીપી ધોરણે વિકસાવવામાં આવશે. ત્રણ નવા એક્સપ્રેસ વે બનશે, 2023 સુધીમાં દિલ્હી-મુંબઇ એક્સપ્રેસ વેનું કામ પૂર્ણ કરાશે. રેલવે ટ્રેકને સમાંતર રેલવેની જ જમીન પર સોલાર પેનલ નાંખીને વીજળી ઉત્પન્ન કરાશે, 27 હજાર કિમી ટ્રેકનું ઈલેક્ટ્રિફીકેશન કરવામાં આવશે. 

શિક્ષણ માટે 99,300 કરોડ રૂપિયા ફળવાશે

શિક્ષણક્ષેત્ર માટે FDI લાવવામાં આવશે. જિલ્લાની હોસ્પિટલોમાં મેડિકલ યુનિવર્સિટીનો પ્રસ્તાવ મૂકાશે. ગરીબ વિદ્યાર્થીઓ માટે ઓનલાઈન ડિગ્રીના કોર્સ લવાશે. નવી શિક્ષા નીતિની ટૂંક સમયમાં જાહેરાત કરાશે. ડિપ્લોમા માટે 150 નવા શિક્ષણ સંસ્થાન અને ફોરેન્સિક અને પોલીસ યુનિવર્સિટી ખોલવામાં આવશે. PPP મોડેલ પર મેડિકલ કોલેજ ખોલવામાં આવશે. PPP મોડલથી જિલ્લાઓમાં મેડિકલ કોલેજ ખોલવામાં આવશે. સરસ્વતી-સિંધુ યુનિવર્સિટીની પણ જાહેરાત કરવામાં આવી છે. સ્ટડી ઈન ઈંડિયા કાર્યક્રમની શરૂઆત કરાશે. સ્ટડી ઈન ઈન્ડિયાને પ્રમોટ કરીશું. સ્કીલ ઈન્ડિયા માટે 3 હજાર કરોડ રૂપિયા ફાળવાશે.

આરોગ્ય 

મિશન ઈન્દ્રધનુષમાં 12 નવી બીમારીઓને વધારવામાં આવી છે. તેમાં 5 નવી રસી જોડવામાં આવી છે. ટીબી હારશે અને દેશ જીતશે આ અભિયાન લોન્ચ કર્યું છે. સરકાર આ અભિયાનને મજબૂત કરશે. 2025 સુધી દેશને ટીબી મુક્ત કરવાની યોજના છે. હેલ્થ સેક્ટર માટે 69 હજાર કરોડનો પ્રસ્તાવ છે. PPP મોડેલથી દેશમાં નવી હોસ્પિટલો બનશે.  મેડિકલ ઉપકરણનો ટેક્સ હોસ્પિટલ વિકાસમાં વપરાશે. જિલ્લાની હોસ્પિટલોમાં મેડિકલ યુનિવર્સિટીનો પ્રસ્તાવ મૂકાયો છે અને ડોકટરની અછત પુરી કરવા પર સરકારનું ધ્યાન રખાયું છે. 

GST

ઓછા GST દરના કારણે સામાન્ય પરિવારના માસિક ખર્ચમાં 4 ટકાનો ઘટાડો થયો છે. GST કાઉન્સિલની મદદથી 60 લાખથી વધારે ટેક્સપેયર્સને જોડવામાં આવ્યા. 1 એપ્રિલ 2020થી સરળીકૃત વિવરણ પ્રણાલી શરૂ કરવામાં આવશે. 2019માં સરકારનું દેવું ઘટીને 48.7 ટકા થયું. GSTના કલેક્શનમાં 40 ટકાનો ઘટાડો થયો છે તો GSTના કારણે 5 લાખ કરોડની આવક ઘટી છે. 40 હજારથી વધુ કંપનીઓ GSTમાં ગોટાળો કરે છે. જ્યારે અન્ય તરફ GSTમાં ચોરીને કારણે સરકારની મુશ્કેલી વધી છે

 
 
 
 
 
 
 
 
 
 
 
 
 

આજે નાણામંત્રી સીતારમણે બજેટ 2020 રજૂ કર્યુ છે જેમાં ખેડુૂતો માટે ખાસ જાહેરાત કરી હતી. 2022 સુધી ખેડૂતોની આવક બમણી કરવા સરકાર ઝીરો બજેટ ખેતીની 16 ફોર્મ્યુલા લઈને આવી છે. આ માટે અન્નદાતાને ઉર્જાદાતા બનાવતી કુસુમ યોજના, કિસાન રેલ અને ઉડાન દ્વારા વિમાની સેવા તૈયાર કરવામાં આવશે. #nirmalasitharaman #budget2020 #budget #farmers @nirmalasitharaman

A post shared by VTV Gujarati News and Beyond (@vtv_gujarati_news) on

ખેડૂતો માટે 2.83 લાખ રૂપિયાની 16 યોજનાઓ

કિસાન રેલ યોજના શરૂ થશે જેમાં દૂધ, માંસ, માછલી માટે સ્પેશિયલ રેલની વ્યવસ્થા કરવામાં આવી. કૃષિ ઉડાન યોજનામાં હવે વિમાનથી ખેડૂતોનો સામાન જશે. 
ખેડૂતો માટે કુસુમ યોજનામાં 20 લાખ ખેડૂતોને સોલર પંપ સેટ અપાશે. ધન્ય લક્ષ્મી યોજનામાં બીજથી જોડાયેલ યોજનામાં મહિલા ખેડૂતોને જોડાશે. પાણીની અછત વાળા 100 જિલ્લાઓમાં પાણીની વ્યવસ્થા માટે મોટી યોજના ચલાવાશે. ખેડૂતો માટે વેર હાઉસ, કોલ્ડ સ્ટોરેજ બનાવાશે. 2025 સુધીમાં દુધ ઉત્પાદન બેગણુ કરવાનું લક્ષ્ય છે. 2022 સુધીમાં ખેડૂતોની આવક બમણી કરવાનું લક્ષ્ય છે.અન્નાદાતાને સરકાર ઉર્જાદાતા બનાવશે. ખેતરોમાં સોલર એનર્જીથી સિંચાઈ કરાશે. કેમિકલની જગ્યાએ ઓર્ગેનિક ખાતરનો ઉપયોગ થશે. મૉર્ડન એગ્રીકલ્ચર લેન્ડ એક્ટને રાજ્ય સરકારો દ્વારા લાગૂ કરાવાશે. ખેત ઉત્પાદનના વહન માટે એર અને રેલ સુવિધા વધારાશે. ખેડૂતો, સિંચાઇ અને ગ્રામિણ વિકાસ માટે 2.83 લાખ કરોડની જોગવાઈ કરવામાં આવી છે. દૂધ ઉત્પાદન બમણુ કરવા માટે યોજના લાવીશું. બ્લૂ ઇકોનોમી માટે મત્સ્ય ઉદ્યોગને પ્રોત્સાહિત કરાશે.

Union Budget 2020 budget 2020 important things બજેટ 2020 રેલ્વે બજેટ યુનિયન બજેટ 2020-21 મોટી વાતો નિર્મલા સીતારમણ Nirmala Sitharaman
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ