ગુજરાતના આ ગામમાં 18 વર્ષથી નીચેનાને મોબાઇલ વાપરવા પર પ્રતિબંધ સરપંચનો આદેશ

મહેસાણા: મહેસાણા હાઈવે પર આવેલા લીંચ ગામમાં સરપંચે 18 વર્ષથી નીચેની વયનાં કિશોરો માટે એક કડક નિયમ બનાવ્યો છે.

મોબાઈલ પ્રતિબંધ લગાવવા પાછળ ગામમાં બનેલી કેટલીક ઘટનાઓને ઘણી જવાબદાર ગણાવી હતી. ઘટનાનો ઉલ્લેખ કરતા કહ્યું કે એક જ સમાજનાં દૂરનાં ભાઈ બહેન યુવક અને યુવતીએ પ્રેમમાં આત્મહત્યા કરી હતી. જેનાં કારણે આ નિર્ણય લેવામાં આવ્યો હતો. આ ઘટના બાદ ગામનાં લોકોએ પંચાયતમાં એકત્ર થઈને આ ઘટના અંગે મંથન કર્યું હતું અને સરપંચે આખરે આ નિર્ણય લીધો હતો. જો કે મહત્વની બાબત છે કે આ નિર્ણયને ગામનાં યુવક યુવતીઓએ અને તેમનાં વાલીઓએ આવકાર્યો હતો.

પહેલા તો આ યુવાનોને આ નિર્ણય કડવો લાગતો હતો. પરંતુ થોડોક સમય ગયા બાદ તેમને આ નિર્ણય સારો લાગવા લાગ્યો અને તેમને લાગ્યું કે તેઓ દિવસનાં ઘણાં કલાક મોબાઈલ પાછળ બગાડતાં હતાં. જો કે હાલ તેઓ તે સમય અભ્યાસમાં પસાર કરે છે. હવે આ યુવક યુવતીઓએ પણ આ નિર્ણયને આવકાર્યો છે.