ટેરર / UN દ્વારા વૈશ્વિક આતંકી જાહેર થયો મક્કી, ભારતની ખુશીનો પાર ન રહ્યો, વિદેશ મંત્રાલયની પ્રતિક્રિયા

• UNએ મક્કીને આતંકીઓની લિસ્ટમાં કર્યો શામેલ
• સંયુક્ત રાષ્ટ્રનાં આ નિર્ણયથી ચીનને લાગ્યો ધક્કો
• ભારતે આ નિર્ણયનું કર્યું છે સ્વાગત

સંયુક્ત રાષ્ટ્રનાં પાકિસ્તાની આતંકવાદી અબ્દૂલ રહમાન મક્કીને આંતરરાષ્ટ્રીય આતંકીની લિસ્ટમાં મૂકવાનાં પગલાંને ભારતે આવકાર્યું છે. ભારતીય વિદેશ મંત્રાલયનાં પ્રવક્તા અરંદિમ બાગચીએ કહ્યું કે સંયુક્ત રાષ્ટ્ર સુરક્ષા પરિષદની 1267 ISIL અને અલકાયદા પ્રતિબંધ સમિતિએ સોમવારે 68 વર્ષી મક્કીને ઘોષિત આતંકવાદીઓની લિસ્ટમાં શામેલ કરવાનાં નિર્ણયનું અમે સ્વાગત કરીએ છીએ. 

India welcomes UN's decision of listing Abdul Rehman Makki as global terrorist

Read @ANI Story | https://t.co/rvAphK40mh#Pakistan #terrorists #UN #SyedAkbaruddin #globalterrorists #AbdulRehmanMakki #SajidMir #India pic.twitter.com/e9CCpbEEsk

— ANI Digital (@ani_digital) January 17, 2023

દબાણ મૂકતાં રહીશું...- ભારત
અરંબિમ બાગચીએ કહ્યું કે હિન્દુસ્તાનની આતંકવાદ પ્રતિ ઝીરો ટોલેરેન્સની નીતિ રહી છે. અમે આતંકવાદીઓનો વિરોધ કરવા માટે આંતરરાષ્ટ્રીય સમુદાયો અને સંગઠનો પર દબાણ મૂકતાં રહીશું. 

We welcome the decision of UN Security Council's ISIL and Al Qaida Sanctions Committee to list LeT terrorist Abdul Rehman Makki, who is also brother-in-law of LeT leader Hafiz Saeed. Makki has occupied various leadership roles in LeT, incl raising funds for the organisation: MEA pic.twitter.com/4BsDvLkQvG

— ANI (@ANI) January 17, 2023

પાકિસ્તાનનાં સહયોગી ચીને કર્યો હતો વિરોધ
15 સદસ્યોવાળી સુરક્ષા પરિષદમાં ચીન એકમાત્ર એવો દેશ હતો કે જેણે મક્કીને લિસ્ટમાં મૂકવા પર વીટો કર્યો હતો. હવે જ્યારે પાકિસ્તાનનાં ખતરનાક આતંકવાદી અબ્દૂલ રહમાન મક્કીને સોમવારે સંયુક્ત રાષ્ટ્ર પરિષદ એટલે કે  UNSCએ વૈશ્વિક આતંકવાદીઓની લિસ્ટમાં મૂક્યું છે ત્યારે ચીનને ધક્કો લાગે તે સ્વાભાવિક છે. એક રિપોર્ટ અનુસાર જૂન 2022માં ચીન દ્વારા ભારતનાં પ્રસ્તાવ પર રોક લગાવ્યાં બાદ UNનાં આ નિર્ણયથી ભારતને મોટી સફળતા મળી છે. જો કે ચીન તો પોતાના વિરોધ પર અડગ છે. ચીન, ભારત દ્વારા જાહેર કરવામાં આવેલા 4 નામોને આતંકીઓની લિસ્ટમાં મૂકવાનો વિરોધ કરી રહ્યું છે .

India had make listings of Pak based terrorists a top priority of its UNSC tenure during 2021-22. 5 names were submitted by India for designation under 1267 during 2022. Abdul Rehman Makki (LeT), Abdul Rauf Asghar (JeM), Sajid Mir (LeT), Shahid Mahmood (LeT), Talha Saeed (LeT)

— ANI (@ANI) January 17, 2023

આ 4 નામોને ભારત મૂકવા માંગે છે આતંકીઓની લિસ્ટમાં:
26/11 નાં મુખ્ય આરોપી અબ્દૂલ રઉફ, સાજિદ મીર, શાહિદ મહમૂદ અને તલ્હા સઈદ સમાવિષ્ટ છે. આ 4 લોકોનો પ્રસ્તાવ ભારતે 2022માં મૂક્યો હતો જેનો વિરોધ ચીન દ્વારા કરવામાં આવ્યો હતો.

કોણ છે આ 4 લોકો?
1. અબ્દૂલ રઉફ 
અબ્દૂલ રઉફ પાકિસ્તાનમાં સ્થિત એક આતંકવાદી છે જે કથિત ધોરણે દેશમાં આતંકવાદીઓની ભરતી અને પ્રશિક્ષણ માટે પ્રશિક્ષણ શિબિર સ્થાપિત કરવામાં શામેલ છે.તે 2001માં ભારતીય સંસદ પર હુમલાનો મુખ્ય કાવતરું રચનાર પણ છે.

2. સાજિદ મીર
2008માં થયેલા 26/11નાં મુંબઈ હુમલામાં એક શીર્ષ કમાન્ડર તરીકે શામેલ થયા હોવાનો આરોપ છે અને તે પણ પાકિસ્તાનમાં સ્થિત છે.

3. શાહિદ મહમૂદ

શાહિદ મહમૂદ કથિત ધોરણે ફલાહ-એ-ઈન્સાનિયત FIFનાં ઉપપ્રમુખ છે. એક પ્રતિબંધિત સંગઠન કે જે લશ્કરનો એક ભાગ છે.

4. હાફિઝ તલહા સઈદ 
હાફિઝ તલહા સઈદ લશ્કરનાં સંસ્થાપક હાફિઝ મહોમ્મ્દ સઈદનો દીકરો અને સમૂહનો વરિષ્ઠ નેતા છે. ગૃહમંત્રાલયની એક અધિસૂચના અનુસાર સઈદ સશ્કરનાં મૌલવી વિંગનાં પ્રમુખ છે અને તેણે ભારત અને અન્ય દેશોની સામે જિહાદનો આગ્રહ કરતાં ધર્મોપદેશ કર્યો છે. સઈદ કથિત ધોરણે ધન સંગ્રહ અને ભારત અફગાનિસ્તાનમાં લશ્કરનાં ઓપરેટિવ્સ દ્વારા હુમલાઓની યોજના બનાવવામાં પણ શામેલ છે.