નિવેદન / છ દિવસના યુદ્ધમાં રશિયાના 6,000 સૈનિકોને મારી નાખ્યા, રાષ્ટ્રપતિ ઝેલેન્સ્કીનો મોટો દાવો

• યુક્રેનના રાષ્ટ્રપતિ  ઝેલેન્સ્કીનું મોટું નિવેદન 
• છ દિવસના યુદ્ધમાં રશિયાના 6,000 સૈનિકો માર્યા ગયા
•  211 રશિયન ટેન્કોનો નાશ

રશિયા સામેના યુદ્ધમાં યુક્રેન જરા પણ પાછીપાની ન કરતું હોવાનું જણાઈ રહ્યું છે. રશિયાના હુમલાનો યુક્રેન જડબાતોડ જવાબ આપી રહ્યું છે અને રશિયાને ભારે મોટી ખુવારી કરાવી રહ્યું છે. રાષ્ટ્રપતિ વોલોડિમીર ઝેલેન્સ્કીએ રશિયાના પક્ષે થયેલી ખુવારીના જે આંકડા જાહેર કર્યાં તે ખરેખર ધ્રુજાવનારા છે. 

Ukraine's President Volodymyr Zelenskyy says almost 6000 Russians killed in 6 days of war: Reuters

(file pic) pic.twitter.com/n3yF1AjC35

— ANI (@ANI) March 2, 2022

છ દિવસના યુદ્ધમાં રશિયાના 6000 સૈનિકોના મોત 

યુક્રેનના રાષ્ટ્રપતિ વોલોડિમીર ઝેલેન્સ્કીએ બુધવારે જણાવ્યું હતું કે મોસ્કો હુમલાના પ્રથમ છ દિવસમાં લગભગ 6,000 રશિયન સૈનિકો માર્યા ગયા છે. તેમણે કહ્યું કે રશિયા બોમ્બ અને હવાઈ હુમલા દ્વારા યુક્રેન પર કબજો કરી શકશે નહીં. રશિયાના બાબીન યાર પર થયેલા હુમલાનો ઉલ્લેખ કરતાં યુક્રેનના રાષ્ટ્રપતિએ કહ્યું કે અહીં થયેલો હુમલો સાબિત કરે છે કે રશિયામાં ઘણા લોકો માટે અમારો કિવ બિલકુલ વિદેશી ભાગ જેવો છે. "આ લોકો કિવ વિશે કશું જ જાણતા નથી. તેઓ આપણો ઇતિહાસ જાણતા નથી. આ લોકો માત્ર આદેશ આપે છે કે આ આપણો ઇતિહાસ, આપણો દેશ અને આપણા બધાને ભૂંસી નાખે.

યુક્રેન રશિયાની ખુવારીના આંકડા આપ્યાં 

યુક્રેનના સંરક્ષણ મંત્રાલયે જણાવ્યું હતું કે 24 ફેબ્રુઆરીથી 2 માર્ચ સુધીના છેલ્લા છ દિવસના યુદ્ધમાં 211 રશિયન ટેન્કોનો નાશ કરવામાં આવ્યો છે. તે જ સમયે, 862 બખ્તરબંધ વ્યક્તિગત વાહનો, 85 આર્ટિલરી પીસ અને 40 એમએલઆરએસ નાશ પામ્યા છે. રશિયાએ પણ આ યુદ્ધમાં ભારે નુકસાન સહન કર્યું છે. 

રશિયાના 30 વિમાન અને 31 હેલિકોપ્ટરને તોડી પાડ્યાં 
મંત્રાલયના જણાવ્યા અનુસાર રશિયાના 30 વિમાન અને 31 હેલિકોપ્ટરને તોડી પાડવામાં આવ્યા હતા. આ ઉપરાંત બે જહાજ, 335 વાહનો, 60 ફ્યુઅલ ટેન્ક અને ત્રણ યુએવીને પણ ઠાર મારવામાં આવ્યા છે. 9 એન્ટી એરક્રાફ્ટ વોરફેરનો પણ ખડકલો કરવામાં આવ્યો છે. આ બતાવે છે કે યુક્રેનની સેના રશિયાને કડક લડત આપતી જોવા મળી રહી છે.