સોશિયલ મીડિયા / હની ટ્રેપઃ પહેલા કરી ઓનલાઈન દોસ્તી પછી કર્યો પ્રેમ, મંગાવ્યા અશ્લીલ ફોટા અને પછી થયું એવું...

• ગઠિયાએ બનાવ્યુ ફેક એકાઉન્ટને ફેંકી જાળ
• રાકેશ ફેક આઈડોથી કરતો ચેંટીગ, અને મોકલી દીધા અશ્લીલ ફોટા
• વારંવાર અવનવી યુવતીના ફેક આઈડી પર રાકેશે પૈસા મોકલ્યા
• કંટાળીને કરી પોલીસ ફરિયાદ

સેટેલાઈટમાં રહેતા અને બોપલ યુજીવીસીએલમાં જુનિયર આસિસ્ટન્ટ તરીકે ફરજ બજાવતા રાકેશ રાવલ (નામ બદલ્યું છે)એ સાયબર ક્રાઇમ ફરિયાદ કરી છે. રાકેશ ફેસબુકમાં રાકેશ રાવલ નામનું વર્ષ ર૦૦૯થી ફેસબુક એકાઉન્ટ ધરાવે છે. રાકેશ જ્યારે વર્ષ ર૦૧૧માં શ્રી સ્વામિનારાયણ ઇન્સ્ટિટ્યૂટ ઓફ ટેક્નોલોજી ખાતે એમસીએનો અભ્યાસ કરતો હતો ત્યારે તે ફેસબુક પર સંજય શાહ નામનું આઈડી બનાવીને મિત્રો સાથે ચેટિંગ કરતો હતો.

ગઠિયાએ બનાવ્યુ ફેક એકાઉન્ટને ફેંકી જાળ

તે સમયે કોઈ ગઠિયાએ શ્રેયા પટેલ નામનું ફેક એકાઉન્ટ બનાવીને રાકેશ સાથે વાત કરતો હતો. રાકેશને એવું લાગતું હતું કે તે કોઈ છોકરી સાથે વાત કરે છે,  આથી રાકેશ શ્રેયા પટેલ નામના ફેક આઈડી સાથે વાતચીત કરવા લાગ્યો હતો. ત્યારબાદ રાકેશ અને શ્રેયા વચ્ચે ફેસબુકમાં સારી એવી મિત્રતા થઇ ગયા બાદ શ્રેયા પટેલે રાકેશને ભોળવીને પ્રેમભરી વાતો કરી હતી. 

રાકેશ ફેક આઈડોથી કરતો ચેંટીગ, અને મોકલી દીધા અશ્લીલ ફોટા

શ્રેયાએ રાકેશને એક દિવસે તેના ન્યૂડ તેમજ વાંધાજનક ફોટાની માગણી કરી હતી, જેથી રાકેશે તેના ન્યૂડ ફોટા મોકલી આપ્યા હતા. ન્યૂડ ફોટા મોકલી આપ્યા બાદ શ્રેયાએ રાકેશને ધમકી આપી કે પૈસા નહીં આપે તો તારા ન્યૂડ ફોટા તારાં માતા અને બહેનને મોકલીને બદનામ કરી દઇશ, જેથી રાકેશે મનસૂરી મોહંમદરમીજ સબ્બીર હુસેનના નામના એકાઉન્ટમાં પંદર હજાર જમા કરાવ્યા હતા. ત્યારબાદ રાકેશ ડરી જતાં તેણે સંજય શાહ નામનું આઈડી બંધ કરી દીધું હતું.

વારંવાર અવનવી યુવતીના ફેક આઈડી પર રાકેશે પૈસા મોકલ્યા

વર્ષ ર૦૧૪થી રાકેશ રાવલના ઓર‌િજનલ આઈડી પર અનુષ્કા વર્મા, શિવાની શાહ, મહેર ખાન, નિશા શાહ, જીબી ખાન જેવા આઈડી પરથી રાકેશને મેસેજ આવતા હતા અને રાકેશ પાસે સતત પૈસાની માગણી થતી હતી. રાકેશને મેસેજ કરીને કહેતા હતા કે જો પૈસા નહીં આપે તો તારા ન્યૂડ ફોટા સોશિયલ મીડિયામાં વાઇરલ કરી કરી દઇશું. રાકેશે ડરના કારણે ગઠિયાએ બનાવેલ ફેક આઈડીની મહેર અને નિશા નામની વ્યક્તિઓના ખાતામાં ર૧ હજાર રૂપિયા ટ્રાન્સફર કર્યા હતા. 

કંટાળીને કરી પોલીસ ફરિયાદ

તેઓએ રાકેશ પાસે વર્ષ ર૦૧૭થી વારંવાર હેરાન કરીને પૈસાની માગણી કરવાનું ચાલુ રાખ્યું હતું. વર્ષ ર૦૧૯માં જીબી ખાન નામના આઈડી પરથી રાકેશને ફરી મેસજ આવવાના શરૂ થયા હતા. તે પણ તેને બીભત્સ મેસજ કરીને ધમકીઓ આપતો હતો. ગઠિયાઓએ યુવતીઓનાં નામનાં ફેસબુકમાં ફેક એકાઉન્ટ બનાવીને હની ટ્રેપની જેમ ફસાવીને રૂ.૪૬ હજાર પડાવી લીધા હતા. રાકેશે તેઓ વારંવાર પરેશાન કરતા હોવાથી સાયબર ક્રાઇમમાં ફરિયાદ નોંધાવી હતી, પોલીસે હાલ ફેક આઈડી પરથી કોણ ચેટિંગ કરી રહ્યું હતું તે દિશામાં તપાસ હાથ ધરી છે.