BIG NEWS / રશિયા-યુક્રેન યુદ્ધમાં અમેરિકાનાં ફિલ્મ નિર્માતાનું મોત, હુમલામાં સાથી પત્રકાર પણ ઘાયલ

• રશિયાના ઓપન ફાયરમાં અમેરિકી ફિલ્મ નિર્માતાનું મોત
• ઇરપિન ચેકપોઇન્ટ પર થયો હતો ખુલ્લી ગોળીબાર
• હુમલામાં સાથી પત્રકાર પણ ઘાયલ

રવિવારના રોજ રશિયન સેના દ્વારા યુક્રેન સ્થિત ઇરપિન શહેરમાં બ્રેન્ટ રેનોડની કાર રશિયન સેના દ્વારા કરાયેલા ગોળીબારની ઝપેટમાં આવી ગઇ હતી. એએફપીના અહેવાલ મુજબ આ હુમલામાં બ્રેન્ટનું મોત નિપજ્યું હતું. આ સાથે જ અન્ય એક પત્રકાર જુઆન અરેડોન્ડો (Juan Arredondo) ને ઈજાગ્રસ્ત હાલતમાં હોસ્પિટલમાં દાખલ કરવામાં આવ્યા હતા.

બ્રેન્ટ ન્યૂયોર્ક ટાઈમ્સના રિપોર્ટર હતાં

50 વર્ષીય બ્રેન્ટ USના આરકાન્સ (Arkansas, U.S) ના રહેવાસી હતાં. બ્રેન્ટ એક ફિલ્મ નિર્માતા તેમજ ન્યૂયોર્ક ટાઈમ્સના પત્રકાર પણ હતાં. તેમના મોત બાદ પ્રકાશન દ્વારા એક નિવેદન જાહેર કરાયું હતું કે, જેમાં બ્રેન્ટ યુક્રેનમાં શરણાર્થીઓ પર એક રિપોર્ટ તૈયાર કરી રહ્યો હતો. યુક્રેનના ગૃહ મંત્રાલયે કહ્યું કે, છેલ્લાં કેટલાંક દિવસોમાં યુક્રેનને રશિયા દ્વારા જબરદસ્ત બોમ્બ ધડાકાનો સામનો કરવો પડી રહ્યો છે.

Brentની ગરદન પર થયો હતો હુમલો

જો કે, યુક્રેનિયન સત્તાવાળાઓએ હજુ સુધી બ્રેન્ટના મૃત્યુની માહિતી નથી આપી પરંતુ અમેરિકન પત્રકાર જુઆન એરેડોન્ડો (Juan Arredondo) એ જણાવ્યું કે, તે બંને ઇરપિન ચેક પોઇન્ટ તરફ જઇ રહ્યાં હતાં ત્યારે તેઓની પર હુમલો કરવામાં આવ્યો. તેઓએ જણાવ્યું કે, બ્રેન્ટને ગરદનમાં વાગ્યું હતું. આ સાથે Juanને લોવર બેક પર ઇજા થઇ હતી.

એક ન્યૂઝ એજન્સી સાથેની વાતચીતમાં જુઆને જણાવ્યું કે, 'અમે ઇરપિનના પહેલા પુલને પાર કરી દીધો, અમે દેશ છોડીને જતા અન્ય શરણાર્થીઓને ગોળી મારવાના હતાં, પછી અમે કારમાં બેસી ગયા, એક વ્યક્તિએ અમને બીજા બ્રિજ પર લઈ જવાની ઓફર કરી. ચેક પોઈન્ટમાંથી પસાર થયા અને તેઓ (રશિયન સૈન્ય) એ હુમલો કરવાનું શરૂ કરી દીધું.'

જોખમ ભરેલા વિસ્તારોમાં દેખાડી બહાદુરી

બ્રેન્ટને US પાસેથી હથિયારોની તસ્કરી, ડ્રગ્સ ગેંગ વૉયલેંસ પર પોતાની ડોક્યુમેન્ટ્રી 'Arming the Mexican Cartels' માટે સમ્માનિત કરવામાં આવી ચૂક્યાં છે. બ્રેન્ટ પોતાના ભાઇ Craig Renaud સાથે અનેક જોખમ ભરેલી ડોક્યુમેન્ટરી બનાવી ચૂક્યાં છે. 'Last Chance High' માટે બંને ભાઇઓને Peabody award થી નવાઝવામાં આવ્યાં છે.

બ્રેન્ટે વિશ્વના અનેક ખતરનાક વિસ્તારોમાં ડોક્યુમેન્ટરી બનાવી છે. બ્રેન્ટે ઇરાક અને અફઘાનિસ્તાનની જંગથી, Haiti માં આવેલા ભૂકંપથી મિસ્ત્ર અને લિબયામાં થયેલી રાજનૈતિક ઉથલપાથલથી અને આફ્રિકામાં ઉગ્રવાદમાં પોતાનું કામ શરૂ રાખ્યું છે. તેમના મોત પર તેમને ઓળખનારા લોકોએ દુ:ખ વ્યક્ત કર્યું છે.