શરમ કરો / દીકરીઓ જાય ક્યાં? અમદાવાદમાં કાકાએ જ ભત્રીજી પર આચર્યું દુષ્કર્મ, બાવળામાં ટ્યુશન ટીચરે બાળકીને પીંખી નાંખી

• અમદાવાદમાં દુષ્કર્મના બે બનાવ
• રખિયાલમાં દુષ્કર્મ મામલે આરોપી નીકળ્યો કૌટુંબિક કાકા
• બાવળામાં દુષ્કર્મી ટ્યુશન સંચાલક ઝડપાયો

રાજ્યમાં કહેવાય છે કે દીકરીઓ સલામત છે. મહિલાઓ સુરક્ષિત છે. પરંતુ આ બધુ તો ભાષણબાજી કરનારના મોઢે જ સારુ લાગે. વાસ્તવિકતા તો તદ્દન વિપરીત જ છે. હવે તો  દીકરીઓ પોતાના જ ઘરમાં સુરક્ષિત નથી રહી.  કૌટુંબિક ઝઘડા કે પછી અંગત અદાવતમાં દીકરીઓ સામેની ગંદી માનસિકતા છતી થઇ રહી છે. ત્યારે અમદાવાદમાં બનેલી  દુષ્કર્મની ધટનામાં હવસખોર  બીજુ કોઇ નહી પરંતુ કૌટુંબિક કાકા હોવાનું સામે આવ્યુ છે..

હવસખોર નીકળ્યા કૌટુંબિક કાકા

અમદાવાદના રખિયાલમાં સગીરા સાથે દુષ્કર્મ મામલે કૌટુંબિક કાકાએ જ સગીરા સાથે દુષ્કર્મ આચર્યુ હોવાનો ખુલાસો થયો છે. રખિયાલ પોલીસે કૌટુંબિક કાકા સામે ફરિયાદ નોંધીને તેની ધરપકડ કરી છે. આ મામલે સગીરાની પૂછપરછમાં સામે આવ્યુ હતુ કે તે અવારનવાર તેને ફરવા લઇ જવાની લાલચ આપતો હતો. તેનો પીછો પણ કરતો હતો. એક વખત સગીરા ઘરમાં એકલી હતી તે સમયે એકલતાનો લાભ ઉઠાવીએ કાકાએ આ કૃત્ય આચર્યુ હતુ. જો કે સગીરાએ હિંમત દાખવીને પરિવારને આ અંગે જાણ કરતા પોલીસે આરોપીને ઝડપી પાડીને જેલના સળિયા ભેગો કર્યો છે.

 10 વર્ષની બાળકી સાથે દુષ્કર્મ

તો આ તરફ બાવળામાં પણ ટ્યુશન સંચાલક સામે દુષ્કર્મની ફરિયાદ નોંધાઇ છે. 10 વર્ષની બાળકી સાથે દુષ્કર્મની ફરિયાદ નોંધાતા ખળભળાટ મચ્યો છે. બાળકી ટ્યુશન માટે આરોપીના ઘરે ગઇ હતી તે વખતે લંપટ ટ્યુશન સંચાલકે  પોતાની હવસ સંતોષવાનો પ્રયાસ કર્યો હતો. જો કે આ મામલે પોલીસ ફરિયાદ દાખલ થતા પોલીસે ડાહ્યાભાઇ ઠાકોર નામના આરોપીની ધરપકડ કરીને વધુ તપાસ હાથ ધરી છે.