મુંબઇમાં એક ફૂટ ઓવરબ્રિજ તુટી પડવાથી બે લોકો ઘાયલ થવાના એક અહેવાલ પ્રાપ્ત થયા છે. મુંબઇના માનખુર્દ વિસ્તારમાં બુધવારે મોડી રાતે આ દૂર્ઘટના ઘટી છે.
મુંબઇમાં ફૂટ ઓવરબ્રિજ તુટી પડવાથી બે લોકો ઘાયલ
મુંબઇના માનખૂર્દ વિસ્તારમાં બુધવારે ઘટી આ દૂર્ઘટના
ઘટના અંગે જાણ થતાં પોલીસે ઘટનાસ્થળે પહોંચી તપાસ હાથ ધરી
આ એક નિર્માણાધીન ફૂટ ઓવરબ્રિજ અચાનક જમીનદોસ્ત થઇ ઘયો, જેમાં બે લોકો ઘાયલ થયા. આ ઘટના અંગે જાણ થતાં પોલીસ ઘટનાસ્થળે પહોંચી તપાસ હાથ ધરી છે. આ દૂર્ઘટનાના ઇજાગ્રસ્તોને એક હોસ્પિટલ ખાતે સારવાર અર્થે ખસેડવામાં આવ્યાં છે.
હાલમાં રોડ ખાલી કરવા માટે પૂલના ક્ષતિગ્રસ્ત કાટમાળને ખસેડવાનું કામ ચલાવામાં આવી રહ્યું છે. જે સમયે આ દૂર્ઘટના ઘટી ત્યારે બ્રિજની નીચે વાહન હતા. જેમાં એક ટ્રક અને બે નાની ગાડી દબાઇ ગઇ હોવાના જાણકારી મળી છે.
Maharashtra: Two persons injured after an under-construction foot overbridge collapsed in Mankhurd area of Mumbai. The injured have been admitted to a hospital and the work to remove damaged portion to clear the road is underway. pic.twitter.com/4SsCFiP4pj
બ્રિજના ક્ષતિગ્રસ્ત ભાગને કટરથી કાપીને ટ્રકથી અલગ કરવાની કામગીરી હાથ ધરવામાં આવી છે. આ કામની મદદ માટે ક્રેન પણ ઘટનાસ્થળે પહોંચી ગઇ છે. આ સાથે પોલીસ દ્વારા તપાસ કરવામાં આવી રહી છે કે પુલમાં કઇ ક્ષતિ થવાથી આ દૂર્ઘટના ઘટી છે. જો કે આ મામલે હજી સુધી કોઇપણ ઠેકેદાર અથવા અન્ય કોઇ વ્યક્તિની અટકાયત કે ધરપકડ કરવામાં આવી નથી.