- જામનગરમાં ઓમિક્રોનના વધુ 2 કેસ નોંધાયા
- અગાઉના ઓમિક્રોન દર્દીના 2 સંબંધીના રિપોર્ટ પોઝિટિવ
- અત્યાર સુધીમાં ગુજરાતમાં કુલ 3 ઓમિક્રોન કેસ નોંધાયા
ગુજરાતમાં ઓમિક્રોનની દહેશત વધી રહી છે. ઓમિક્રોનના જામનગરમાં વધુ બે પોઝિટિવ કેસો આવ્યા છે. પ્રથમ કેસ પણ જામનગરમાં સામે આવ્યો હતો. પ્રથમ કેસના દર્દીના સગામાંથી 2 વ્યક્તિઓ ઓમિક્રોન પોઝિટિવ આવ્યા છે. ગુજરાતમાં અત્યાર સુધીમાં કુલ 3 કેસ પોઝિટિવ નોંધાયા છે. જામનગરમાં પ્રથમ પોઝિટિવ આવનાર દર્દી ઝિમ્બાબ્વેથી ભારત આવ્યા હતાં. તેમના સંપર્કમાં આવતા બંને વ્યક્તિઓ સંક્રમિત થયા છે. પાંચ દિવસ પૂર્વે 2 વ્યક્તિઓના રિપોર્ટ ગાંધીનગર લેબમાં મોકલાયા હતા. 75 વર્ષીય વૃદ્ધના પત્ની અને સાળો હાલ ઓમિક્રોન પોઝિટિવ આવ્યા છે.
આ અગાઉ ઓમિક્રોનથી સંક્રમિત થયેલા થયેલા દર્દીને ત્યાં ટ્યુશન જતા સાત વિદ્યાર્થીઓના કોરોના ટેસ્ટ કરવામાં આવ્યો હતો. તમામ 7 વિદ્યાર્થીઓના ઓમિક્રોનના સેમ્પલ નેગેટિવ આવ્યા હતા. પહેલા ઓમિક્રોનથી સંક્રમિત દર્દીની પત્ની અને સાળો પણ કોરોના પોઝિટિવ મળી આવ્યા હતા.
સૌરાષ્ટ્રના કુલ 37 લોકો કોરોના સંક્રમિત
સૌરાષ્ટ્રમાં કોરોનાનો ફરી કહેર શરૂ થયો છે. 10 કોરોના પોઝિટિવ રાજસ્થાનની ટ્રાવેલ હિસ્ટ્રીવાળા છે. રાજસ્થાનના જયપુરમાં લગ્ન સમારોહમાં ગયા હોવાની ટ્રાવેલ હિસ્ટ્રી છે. તેઓ જામનગરના ઉદ્યોગપતિના પુત્રના લગ્નમાં ગયા હતા. જામનગરના ઉદ્યોગપતિને ખુદ કોરોના થતા ટેસ્ટ માટે અપીલ કરી હતી. ઉદ્યોગપતિના સંપર્કમાં આવેલાને ટેસ્ટ કરાવવા જાણ કરી હતી. ઉદ્યોગપતિના સંપર્કમાં આવેલા 100થી વધુ લોકોની યાદી તંત્રને અપાઇ છે.
તો રાજકોટના પણ ત્રણ લોકો લગ્નમાં ગયા હતા. તેમના પણ ટેસ્ટ કોરોના પોઝિટિવ આવ્યા છે. રાજકોટમાં આવેલ ત્રણ કેસમાંથી એક મહિલા તબીબ પણ છે. જયપુર અને જામનગરની ટ્રાવેલ હિસ્ટ્રી ધરાવનારને કોરોના સંક્રમણ થયું છે.
સાથે દ્વારકાના ખંભાળિયાની મહિલા પણ કોરોના પોઝિટિવ આવ્યો છે. રાજસ્થાન લગ્નથી પરત આવ્યા બાદ મહિલા કોરોના પોઝિટિવ આવી છે. જયપુર લગ્નમાં વિદેશથી પણ મેહમાન આવ્યા હતા. લગ્નમાં ગયેલા સૌરાષ્ટ્રના કુલ 37 લોકો કોરોના સંક્રમિત છે. ઉદ્યોગપતિના ઘરના 4 લોકો સહિત સૌરાષ્ટ્રના 37 કોરોનામાં સપડાયા છે.
