નામોશીભરી ઘટના / ખંડવામાં સુતેલી છોકરી પર રેપ, રાયસેનમાં ઘરમાં ઘુસીને સગીરા પર દુષ્કર્મ, એક ઠેકાણે બનેલી ઘટનાથી ખળભળાટ

• રાયસેનમાં 12 વર્ષની બાળકી સાથે દુષ્કર્મ
• ખંડવામાં સુતેલી છોકરીનું અપહરણ કરીને ગેંગરેપ
• બન્ને કેસમાં એક-એક આરોપીની ધરપકડ
• ગેંગરેપનો ભોગ બનેલી બન્ને છોકરીઓ સગીર 

મધ્યપ્રદેશના ખંડવા જિલ્લાના એક ગામમાં 15 વર્ષની સગીરા સાથે ત્રણ લોકો રેપ કર્યો તો રાયસેન જિલ્લામાં સાતમા ધોરણમાં ભણતી છોકરી સાથે બે લોકોએ રેપ કર્યો જેમાં એક તો સગીર વયનો છોકરો છે. પોલીસે બન્ને કેસમાં એક એક આરોપીની ધરપકડ કરી છે. 

રાયસેનમાં એકલતાનો લાભ લઈને સગીરે ઘરમાં ઘુસીને સગીરા પર રેપ કર્યો
રાયસેન જિલ્લાના બેગમગંજ ગામમાં 12 વર્ષની સગીરા જ્યારે ઘેર એકલી હતી ત્યારે તકનો લાભ લઈને એક સગીર છોકરો ઘરમાં ઘુસી આવ્યો હતો અને સગીરા પર રેપ કર્યો હતો. પડોશમાં રહેનાર 28 વર્ષીય શિવદયાળે વાલ્મિકીએ છોકરીને એકલી જોઈ હતી ત્યાર બાદ તે ઘરમાં ઘુસીને તેણી પર દુષ્કર્મ આચર્યું હતું. 

ખંડવામાં અપહરણ બાદ દુષ્કર્મ 
ખંડવા જિલ્લાના પ્રભારી હરસુદ પોલીસ સ્ટેશનના ઇન્ચાર્જ ઈશ્વરસિંહ ચૌહાણે જણાવ્યું હતું કે શનિવારે રાત્રે એક 15 વર્ષની છોકરી તેના સંબંધીના ઘરમાં સૂતી હતી ત્યારે ત્રણ શખ્સોએ અપહરણ કરી બળાત્કાર ગુજાર્યો હતો. ગુમ થયા પછી પરિવારે યુવતીની શોધ કરી હતી અને તેને ઘર નજીક ઘાયલ હાલતમાં મળી આવી હતી. ચૌહાણે જણાવ્યું હતું કે પોલીસે બળાત્કાર અને અપહરણ બદલ ભારતીય દંડ સંહિતાની સંબંધિત કલમો હેઠળ રામપાલ, કમલેશ ગુર્જર અને સુરેન્દ્ર ગુર્જર એમ ત્રણ આરોપીઓ સામે ગુનો નોંધ્યો છે. સોમવારે રામપાલની ધરપકડ કરવામાં આવી હતી જ્યારે આ સંદર્ભમાં અન્ય બેની માંગ કરવામાં આવી રહી છે.‎