માઇક્રોબ્લોગિંગ સાઇટ ટ્વિટરે SMS દ્વારા ટ્વીટ કરવાની સુવિધા બંધ કરવાનું શરુ કરી દીધુ છે. ઘણા દેશોમાં પણ તે બંધ થઇ પણ ગયુ છે. એટલે કે હવે SMS દ્વારા ટ્વીટ કરી શકાશે નહીં. ઉલ્લ્ખનીય છે કે આ ફિચરનો ઉપયોગ કરીને ગયા વર્ષે ટ્વિટરના CEO જેક ડોર્સીનું એકાઉન્ટ હેક કરાયું હતું.
ડોર્સીના એકાઉન્ટમાંથી અપમાનજનક અને નકસ્લવાદ સંબંધી ટ્વીટ્સ કરવામાં આવ્યા હતા
ટ્વિટરે તાજેતરમાં ડેસ્કટોપ વર્ઝનનો લેઆઉટ પણ બદલ્યો છે
SMSથી ટ્વીટ કરવાનું બંધ કરવા પાછળ ટ્વિટરનો હેતુ સુરક્ષા વધારવાનો છે. ટ્વિટર ઇચ્છે છે કે યુઝર્સ ફક્ત ડેસ્કટોપ અને મોબાઇલ એપ્લિકેશનથી જ ટ્વિટ કરે, જેથી તેમની એકાઉન્ટની સિકયોરિટી અને પ્રાઇવેસીને કોઇ ખતરો ન રહે. કંપનીએ કહ્યું છે કે મોટાભાગના યુઝર્સ SMSનો ઉપયોગ કરતા નથી અને તેના કારણે અનેક પ્રકારની ફરિયાદો પણ આવી રહી છે.
2018માં જેક ડોર્સીનું એકાઉન્ટ હેક થયું હતું
જ્યારે ટ્વિટર દ્વારા 140 કેરેકટરમાં ટ્વીટ કરવાની સુવિધા આપવામાં આવી હતી, ત્યારે SMS દ્વારા ટ્વિટ કરવાની પણ મંજૂરી આપવામાં આવી હતી. 2018માં જેક ડોર્સીનું એકાઉન્ટ હેક થયું હતું. ડોર્સીના એકાઉન્ટમાંથી અપમાનજનક અને નકસ્લવાદ સંબંધી ટ્વીટ્સ કરવામાં આવ્યા હતા. આવા ટ્વીટ્સ અનેક વખત રીટવીટ કરવામાં આવ્યા હતા. પછીના અહેવાલમાં દાવો કરવામાં આવ્યો હતો કે જેક ડોર્સી સિમ સ્વૈપિંગનો ભોગ બન્યા હતા. આ હેકિંગ પછી સોશિયલ મીડિયા યુઝર્સે વીક પાસવર્ડ માટે ડોર્સીની મજાક પણ ઉડાવી હતી.
ટ્વિટરે હવે બે એકાઉન્ટ્સ ઉમેરવાનો વિકલ્પ આપ્યો છે
ટ્વિટરે તાજેતરમાં ડેસ્કટોપ વર્ઝનનો લેઆઉટ બદલ્યો છે. પહેલાં યુઝર્સનો પ્રોફાઇલ ફોટો ડાબી બાજુએ આવેલા ટવીટ બટનની ઉપરના મેનૂ બારમાં દેખાતો હતો. હવે પ્રોફાઇલ ફોટો નીચે દેખાય છે. આ સિવાય ટ્વિટરે બે એકાઉન્ટ્સ ઉમેરવાનો વિકલ્પ પણ આપ્યો છે નવા ફેરફાર પછી પ્રોફાઇલ ફોટો પર ક્લિક કર્યા પછી, તમારું ટ્વિટર હેન્ડલ દેખાશે. જેની નીચે Add an existing account અને લોગઆઉટનો ઓપ્શન દેખાશે. આ સિવાય અન્ય કોઈ ફેરફાર કરવામાં આવ્યા નથી.