- મહારાષ્ટ્રના સોલાપુરમાં અજબ લગ્ન
- જોડિયા બહેનોએ એક દુલ્હા સાથે કર્યાં લગ્ન
- લગ્નનો વીડિયો થયો વાયરલ
મહારાષ્ટ્રના સોલાપુરની જોડિયા બહેનોના લગ્ન ચર્ચાસ્પદ બન્યાં છે. પિંકી અને રિંકી નામની જોડિયા બહેનોએ એક જ વ્યક્તિ સાથે લગ્ન કરવાનો નિર્ણય લીધો છે. સોલાપુર જિલ્લાના માલસિરામાં રવિવારે એક અજીબ લગ્ન થયા હતા. અહીની પિંકી અને રિંકી નામની જોડિયા બહેનોએ અતુલ નામના આઈટી એન્જિનિયર સાથે લગ્ન કર્યાં હતા. મજાની વાત એ છે કે બન્ને બહેનોને એક જ છોકરો ગમી ગયો હતો અને રવિવારે બન્નેએ વારાફરતી વરમાળા પહેરાવીને અતુલને પોતાનો પતિ માન્યો હતો. જાણકારી અનુસાર બંને બહેનો જોડિયા છે અને આઈટી એન્જિનિયર છે. બંને મુંબઈની એક કંપનીમાં પણ કામ કરે છે.
પિતાની તબિયત લથડી ત્યારે થઈ ઓળખાણ
આ બહેનોએ જણાવ્યું હતું કે તેમના લગ્ન તેમના માતાપિતાની સંમતિથી થયા હતા. વરરાજાના પરિવારના સભ્યો આ લગ્ન માટે સંમત થયા એટલું જ નહીં, તેમણે સંપૂર્ણ સહકાર પણ આપ્યો. તેણે કહ્યું કે તે વરરાજા અતુલને ઘણા સમયથી ઓળખે છે. એક વખત પિતાની તબિયત લથડી હતી ત્યારે અતુલ તેના પિતાને પોતાની કારમાં ઇમરજન્સીની સ્થિતિમાં હોસ્પિટલ લઇ ગયો હતો. અહીં જ અમારી ઓળખાણ થઈ જે આગળ જતાં પ્રેમમાં ફેરવાઈ ગઈ અને ત્યાર બાદ બંનેએ સાથે લગ્ન કરવાનું અને આખું જીવન એક સાથે વિતાવવાનો નિર્ણય કર્યો છે.
લગ્ન બાદ માતાના ઘરે રહેવાનો નિર્ણય
જોડીયા બહેનોના પિતાનું લગ્ન પહેલા જ અવસાન થયું હતું. લાંબા સમય સુધી આ બંને બહેનો પોતાની માતા સાથે રહેતી હતી. આખરે લગ્ન બાદ બંને બહેનોએ પોતાના પતિ સાથે માતાના ઘરે રહેવાનો નિર્ણય કર્યો છે.
સોશિયલ મીડિયા પર મજાકનો વિષય બન્યાં લગ્ન
આ લગ્ન સોશિયલ મીડિયા પર મજાકનો વિષય બની ગયા છે. લોકો આ વીડિયોને ટ્વિટ અને રિટ્વીટ કરી રહ્યા છે અને વિવિધ કોમેન્ટ્સ કરી રહ્યા છે. કેટલાક લોકો આ લગ્નને અનૈતિક ગણાવી રહ્યા છે, તો કેટલાક પૂછી રહ્યા છે કે તેમાં ખોટું શું છે. જો કોઇ તેનો વિરોધ કરી રહ્યું છે તો મોટી સંખ્યામાં લોકો પણ આ લગ્નના સમર્થનમાં છે. જો કે લગ્ન બાદ વર-વધૂ બંનેને કોઈ ફરક પડતો નથી અને ત્રણેય સાથે મળીને જીવનના નવા પડાવ તરફ આગળ વધ્યા છે.
સોશિયલ મીડિયા પર વાયરલ થયો વીડિયો
આ ઘટના સોલાપુર જિલ્લાના માલસિરાસ તાલુકાની છે. આ અનોખા લગ્નનો વીડિયો આ સમયે સોશિયલ મીડિયા પર ખૂબ વાયરલ થઇ રહ્યો છે. કોઈ આ લગ્નનો વિરોધ કરી રહ્યું છે, તો કોઈ મજાક ઉડાવી રહ્યું છે.
