મહામારી / ત્રીજી લહેરનો ખૌફ, બોર્ડિંગ સ્કુલમાં કોરોના વિસ્ફોટ, 15 બાળકો સહિત 22 લોકો સંક્રમિત, તંત્રએ કરી મોટી કાર્યવાહી

• મુંબઈના અનાથાશ્રમમાં 15 બાળકો કોરોના પોઝિટીવ
• 4 નાના બાળકોને નાયર હોસ્પિટલમાં ભરતી કરાયા
• બાકીના બાળકોને રિચર્ડ્સન એન્ડ ક્રૂડ્સ હોસ્પિટલમાં દાખલ કરાયા
• સાત વયસ્કોને પણ કોરોના થયો 

કોરોનાગ્રસ્ત થનાર બાળકોમાં ચાર બાળકોની ઉંમર તો 12 વર્ષથી ઓછી છે જેમને મુંબઈની  નાયર હોસ્પિટલમાં ભરતી કરાયા છે. તો 12 વર્ષથી વધારે ઉંમરના બાકીના કોરોનાગ્રસ્ત બાળકોને રિચર્ડ્સન એન્ડ ક્રૂડ્સ હોસ્પિટલમાં ભરતી કરાયા છે.

અનાથાશ્રમમાં કેમ્પ યોજાયો ત્યારે સંક્રમિતોની જાણકારી મળી 

અનાથાશ્રમમાં કોરોના દર્દીઓના કેસ પ્રકાશમાં આવ્યા બાદ ત્યાં એક શિબિરનું આયોજન કરવામાં આવ્યું હતું. જ્યાં 95 લોકોનો કોરોના ટેસ્ટ કરવામાં આવ્યો હતો. જેમાંથી 22 લોકો કોરોના પોઝિટિવ મળ્યા છે. નાયર હોસ્પિટલના ડીન ડોક્ટર રમેશ ભારમલે કહ્યું કે દાખલ બાળકોમાં કોરોનાના હળવા લક્ષણો છે, જેની સારવાર કરવામાં આવી રહી છે.

આટલી મોટી સંખ્યામાં બોર્ડિંગ સ્કુલમાં બાળકો કોરોના પોઝિટીવ થતા બીએમસીએ આખી બિલ્ડિંગ સીલ કરી દીધી છે. 

મળતી માહિતી મુજબ, 22 માંથી 11 લોકો આ પ્રકારના છે. જેઓ 12 થી 18 વર્ષની વચ્ચે છે. આ તમામ લોકોને રિચાર્ડસન અને ક્રુડ્સ હોસ્પિટલમાં ખસેડવામાં આવ્યા છે. આ સિવાય સાત પુખ્ત વયના લોકોને પણ આ જ હોસ્પિટલમાં સારવાર માટે દાખલ કરવામાં આવ્યા છે.