છૂટાછેડા / TV પર પૉપ્યુલર આ કપલના થયા ડિવોર્સ, એક્ટ્રેસને મળી દીકરીની કસ્ટડી

• ટીવીના લોકપ્રિય દંપત્તિ આમિર અલી અને સંજીદા શેખના થયા છૂટાછેડા
• બંનેએ 9 વર્ષના પોતાના સંબંધ પર મુક્યુ પૂર્ણ વિરામ
• દીકરીની કસ્ટડી અભિનેત્રીને મળી, બંને ખૂબ પ્રોફેશનલ વ્યક્તિ

ટીવીના લોકપ્રિય દંપત્તિના થયા છૂટાછેડા

બંનેને એક દીકરી પણ છે. જે અત્યાર સુધી બંનેની સાથે રહેતી હતી. ક્યારેક અભિનેત્રી દીકરીની સાથેની તસ્વીરો શેર કરે છે તો ક્યારેક અલી. પરંતુ હાલમાં મળી રહેલા અહેવાલો મુજબ દીકરીની કસ્ટડી સંજીદાને મળી છે. રિપોર્ટસ મુજબ, બંને એકબીજા સાથે અલગ થયા બાદ પોતપોતાના જીવનમાં આગળ વધી ચૂક્યા છે. બંને ખૂબ પ્રોફેશનલ વ્યક્તિ છે. તેથી ક્યારેય આ મુદ્દે બોલ્યા નથી અને આગળ પણ કદાચ જ પોતાના છૂટાછેડાની જાહેરાત કરશે. 

આમિર અને સંજીદાની જોડીને ખૂબ પસંદ કરાઈ 

મહત્વનું છે કે,  આમિર અને સંજીદાએ વર્ષ 2012માં લગ્ન કર્યા હતા તેઓ ઘણા વર્ષો સુધી સાથે રહ્યાં. બંનેની જોડીને ખૂબ પસંદ કરવામાં આવતી હતી. તેઓ એકસાથે ઘણા શોમાં દેખાયા છે. સોશિયલ મીડિયામાં પણ બંને એકબીજાની સાથે પોસ્ટ શેર કરતા હતા. પરંતુ પછી વર્ષ 2020થી બંનેના લગ્નજીવનમાં ભંગાણ પડ્યુ હોવાની માહિતી મળતી હતી. એવુ કહેવાતુ હતુ કે બંને અલગ રહે છે અને બાદમાં આ પુરવાર પણ થઇ ગયુ હતુ. સંજીદા અલીને છોડીને પોતાના માતા-પિતા સાથે રહે છે. 

હું પોતાની દીકરીને ગૌરવ મહેસૂસ કરાવવા માંગુ છુ: સંજીદા

મીડિયા રિપોર્ટ મુજબ, છૂટાછેડાના સમાચાર સામે આવ્યાં બાદ બંનેને સંપર્ક કરવામાં આવ્યો તો સંજીદાએ કહ્યું, હું પોતાની દીકરીને ગૌરવ મહેસૂસ કરાવવા માંગુ છુ. તો અલી સાથે આ અંગે વાતચીત કરી તો તેમણે વધારે કશુ કહ્યું નહીં. ફક્ત એટલુ કહ્યું કે હું ઈચ્છુ છુ કે સંજીદાને જીવનની દરેક ખુશીઓ મળે.