ફરમાન / અહીં સરકારી કર્મચારીઓ માટે તુઘલખી નિયમ, સાતે દિવસ અને 24 કલાક ફોન ચાલુ રાખવા ફરમાન

• ઈન્દોરના CMHOનો તુઘલખી આદેશ
• CMHOએ 24 કલાક મોબાઈલ ચાલુ રાખવા માટે કહ્યું 
• આ આદેશના વિરોધ થતાં 4 કલાકમાં રદ્દ કર્યો  

ઈન્દોરના CMHOનો તુઘલખી આદેશ

કોરોના કાળમાં સરકારી કર્મચારીઓની પરેશાનીઓ ઓછી નથી થઈ રહી. ખાસ કરીને આરોગ્ય વિભાગના અધિકારીઓ અને કર્મચારીઓ સૌથી વધુ પરેશાન છે. હવે ઈન્દોરના CMHOનો તુઘલકી આદેશ સામે આવ્યો છે, જેમાં કર્મચારીઓને શનિવારે પણ કામ પર આવવા અને 24 કલાક મોબાઈલ ચાલુ રાખવા માટે કહેવામાં આવ્યું હતું. જો કે, આ આદેશનો વિરોધ થતાં ચાર કલાકમાં જ તેને રદ કરીને બીજો આદેશ બહાર કાઢવામાં આવ્યો હતો.

CMHOએ 24 કલાક મોબાઈલ ચાલુ રાખવા માટે કહ્યું 

ગુરુવારે ઈન્દોરના CMHO ડૉ. બી.એસ. સેત્યા દ્વારા એક આદેશ જારી કરવામાં આવ્યો હતો. શનિવારે પણ તમામ અધિકારીઓ-કર્મચારીઓ ફરજ પર આવે તેવું જણાવાયું હતું. ઓર્ડરની સાથે તમારા મોબાઈલને 24X7 ચાલુ રાખવાની સૂચના પણ આપવામાં આવી હતી. CMHOએ કહ્યું કે આ સૂચનાઓનું પાલન કરવાનું સુનિશ્ચિત કરો. તેમણે ચેતવણી પણ આપી હતી કે જો નિયમોનું ઉલ્લંઘન કરવામાં દોષિત જણાશે તો સંબંધિતો સામે નિયમ મુજબ કાર્યવાહી કરવામાં આવશે.જેનાથી તમામ અધિકારીઓ અને કર્મચારીઓ ચોંકી ઉઠ્યા હતા. અધિકારીઓની સાથે કર્મચારી સંગઠનોમાં પણ વિરોધ જોવા મળ્યો હતો.

આ આદેશના વિરોધ થતાં 4 કલાકમાં રદ્દ કર્યો  

CMHO દ્વારા જાહેર કરાયેલા આ આદેશના વ્યાપક વિરોધને કારણે ચાર કલાકમાં રદ્દ કર્યો હતો બાદમાં CMHOએ બીજો આદેશ બહાર પાડ્યો હતો. જેમાં સૂચના આપવામાં આવી હતી કે સુચારૂ કામગીરી માટે શનિવારે અગાઉ જે આદેશ જાહેર કરાયો છે તાત્કાલિક અસરથી રદ કરવામાં આવ્યો છે. બાદમાં આ મામલે સીએમએચઓ ડો. સેટ્યાએ જણાવ્યું કે કોવિડ અને રસીકરણને કારણે સીએમ હેલ્પલાઈનના કામ સહિત ઘણા કામ બાકી છે. આ કારણે આદેશ જારી કરવામાં આવ્યો હતો પરંતુ હવે તેને રદ કરવામાં આવ્યો છે.