ઉનાળામાં અંડર આર્મ્સમાં વળતા પરસેવાના કારણે ઘણા લોકોને દુર્ગંધની સમસ્યા વધી જાય છે. આ સમસ્યાથી છુટકારો મેળવવા માટે આ ટિપ્સને ફોલો કરો.
ઉનાળામાં કરો આ ઉપાય
અંડર આર્મ્સમાં આવતી દુર્ગંધ નહીં આવે
જાણો ઉપચાર માટે શું કરી શકો
બટાકાના ટુકડા
અંડર આર્મ્સમાં આવતી દુર્ગંધને દૂર કરવા માટે તમે બટાકાની મદદ લઈ શકો છો. બટાકાની સ્લાઈસ લો અને તેને થોડી વાર અંડર આર્મ્સમાં રાખો. આ અસરકારક ઉપચાર બહુ ઓછા લોકો જાણે છે.
નારિયેળનું તેલ
અંડર આર્મ્સની દુર્ગંધને દૂર કરવામાં નારિયેળનું તેલ પણ શ્રેષ્ઠ સાબિત થઈ શકે છે. તમારા હાથમાં થોડું નારિયેળ તેલ લો અને તેની અંડર આર્મ્સમાં માલિશ કરો. તેલને થોડીવાર રહેવા દો પછી તેને ઠંડા પાણીથી સાફ કરી લો.
ટામેટાંનો રસ
આ સાથે જોડાયેલ ઘરેલું ઉપાય પણ ઉનાળામાં બગલમાંથી આવતી દુર્ગંધને ઘણી હદ સુધી ઘટાડી શકે છે. આ માટે એક ટામેટાને છીણી લો અને તેનો રસ એક વાસણમાં કાઢી લો. હવે કોટનની મદદથી તેની અંડર આર્મ્સમાં મસાજ કરો.
લીંબુ
સ્કીન કેર માટે શ્રેષ્ઠ માનવામાં આવતું લીંબુ અંડર આર્મ્સની દુર્ગંધ સિવાય તેમાં રહેલી કાળાશને પણ દૂર કરી શકે છે. એક ચમચી લીંબુના રસમાં અડધી ચમચી ખાવાનો સોડા મિક્સ કરીને આ પેસ્ટને અંડર આર્મ્સમાં લગાવવો. આ પેસ્ટને ઠંડા પાણીથી જ કાઢી લો.
એપલ સાઇડર વિનેગર
એવું કહેવાય છે કે એપલ સાઇડર વિનેગર અંડર આર્મ્સની દુર્ગંધને પણ દૂર કરવામાં સક્ષમ છે. એક બાઉલમાં થોડું પાણી લો અને તેમાં બે ચમચી એપલ સાઇડર વિનેગર ઉમેરો. હવે આ પાણીથી તમારા અંડર આર્મ્સને ધોઈ લો. આ રેસીપી અસરકારક સાબિત થઈ શકે છે.