જો તમને નારિયેળ પસંદ છે તો તમે તેની નારિયેળની પરંપરાગત ચટણી અને કોપરાપાક સિવાય આ ખાસ બોલ્સ બનાવી શકો છો.
તમે કોપરાની અનેક વાનગીઓ બનાવીને પણ ઉપયોગમાં લઇ શકો છો. જ્યારે તમે તમારા રસોડામાં કોકોનટ બોલ્સ, બનાવી લો છો તો પરિવારજનો તેને ખુશીથી ખાઇ લે છે. તો આજે જ કરો ટ્રાય અને નોંધી લો રેસિપિ.
કોકોનટ બોલ્સ
સામગ્રી
- એક લિટર દૂધ
- એક કાચું નારિયેળ
- સો ગ્રામ કન્ડેન્સ્ડ મિલ્ક
- અડધો કપ બદામનો ભૂકો
- એક નાની ચમચી સુધારેલા પિસ્તા
રીત
કાચા નારિયેળને બારીક ઘસીને બૂરો કરો. એક કડાઇમાં દૂધ ગરમ કરો અને તેમાં આ નારિયેળને મિક્સ કરો, ધીમા તાપે તેને ચઢવો દો અને વચ્ચે વચ્ચે હલાવતા રહો. જ્યારે મિશ્રણ ગાઢ થઇ જાય તો કન્ડેન્સ્ડ મિલ્ક અને બદામનો ભૂકો મિક્સ કરો. જ્યારે તે કડાઇથી અલગ થવા લાગે અને એક ગોળાનો આકાર આપી શકાય તેવું બને એટલે તેને ગેસ પરથી ઉતારી લો. થોડું ઠંડું થાય એટલે તેના બોલ્સ બનાવી દો.