નમસ્તે ટ્રમ્પ / 2200 બસ ટ્રમ્પની ભીડના મહેમાનોની વ્યવસ્થામાં, અપડાઉન કરતા લોકોને જે મળે તેમાં જવું પડશે ઘરે!

• નમસ્તે ટ્રમ્પ કાર્યક્રમમાં લોકોને લાવવા ટ્રાન્સપોર્ટની વ્યવસ્થા
• લોકોને લાવવા માટે ST બસોની કરાઇ વ્યવસ્થા
• સ્ટેડિયમ સુધી લોકોને લાવવા મુકાશે 2200 ST બસ

'નમસ્તે ટ્રમ્પ' કાર્યક્રમમાં મોટેરા સ્ટેડિયમને દર્શકોથી ભરવા માટે એસ ટી નિગમની નવી સીરીઝની 2200 બસો દોડાવવામાં આવશે. દરેક વિભાગમાં અને મધ્યસ્થ કચેરી ખાતે ખાસ કંન્ટ્રોલ રૂમ ઉભા કરાશે.
 

સમગ્ર એસ ટી બસોનું જીપીએસ સિસ્ટમથી મોનીટરીંગ કરવામા આવશે. આ ઉપરાંત એસ ટી બસ સુપ્રત કર્યા બદલની અને વાહન રીલીવ કર્યા બાદ રૂટ સુપરવાઇઝરની સહી લેવાની રહેશે.
 

અમેરિકાના રાષ્ટ્રપ્રમુખ ડોનાલ્ડ ટ્રમ્પ તારીખ 24મીને સોમવારે બપોરે 3-4 કલાક માટે અમદાવાદના મહેમાન બનવાના છે.જેમાં એક લાખ દર્શકોની ક્ષમતાવાળા મોટેરા સ્ટેડિયમ ખાતે યોજાનારા નમસ્તે ટ્રમ્પ કાર્યક્રમમાં દર્શકોને લાવવા અને લઇ જવા માટે એસ ટી નિગમની નવી સિરીઝની 2200 બસોને કોન્ટ્રાક્ટરના ધોરણે દોડાવવામાં આવનાર છે.

આ ઉપરાંત તેના માટે રાઉન્ડ ધ ક્લોક ચાલતા દરેક વિભાગના કંન્ટ્રોલ રૂમો મધ્યસ્થ કચેરીના કન્ટ્રોલ રૂમ સાથે સતત સંપર્કમાં રહેશે.